Loma 3:2 - Chipangano Chabwangu

² Nachine finji tungasangamo mukuba Abayuda. Pakutatika Lesa apele ubutumi bwakwe kuli bo.

Loma 3:2 Referans Kwoze

Loma 9:4

Mba Baisilaeli abo Lesa asalile ukuba abana bakwe nokubapela ubuleme. Lesa achitile ichipangano nabo. Elo alibapele Amafunde akwe. Alibasambishe ifyo balingile ukumulomba. Nakambi alibapela nefilayano.

Imilimo ya batumwa 7:38

Enka Mosesi ngu ewali pamo nefikolwe fyesu ulo balongene muchiswebebe. Ewali nomungelo uyo asosele nakwe pa Lupili lwa Sinai. Engu enka uwapokelele amashiwi abumi nokuyapela kuli fwebo.

Hebele 5:12

Nangula inshita iyakuti mwatatika ukusambisha bambi ikumene, kuntu chikofwayika ukuti umbi amusambishe ifyakutatika amashiwi aku Lesa. Mulingile ukupelwa umukaka muchifulo chakulya ifikosele.

1 Kolinto 9:17

Nga chakuti nkobomba umulimo ngu mukuyipela, ekuti nakupokelelapo amalipilo. Nomba nkobomba pakuti mfwile ukubomba, pakuba Bashikulu ebampele ukuchita mfi.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

Ukufisulula 22:6

Nomba umungelo asosele kuli nebo ati, “Amashiwi nga yachine nakambi alingile ukuyachetekela. Bashikulu Lesa abapela Umupashi wabo kubasoseshi, balitumine umungelo wabo ukuti balange abapyungi babo ifilingile ukuchitika bwangu-bwangu.”

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.

1 Timoti 6:20

Timoti, usunge fyonse ifyo wapelwa. Ushe amashiwi akulakaika bwaka, ayo atapelapo umuchinshi kuli Lesa, namashiwi akutalikana awo abantu abapuneme beba ati yamano.

Galatiya 2:7

Nomba balibwene ukuti nalipelwa umulimo uwakushimikila abenafyalo kubati nimfilya Petulo apelwa ukushimikila Abayuda.

2 Kolinto 5:19

Mubilisha ukuti muli Klistu, Lesa awikishanya abamuchalo nakwe ukwambula ukupenda amabifyo abo. Echo atupele nga mashiwi ayasosa ukuwikishanya nku.

Loma 3:3

Nga chakuti bambi muli bo tabachetekelwa? Napo nchi chikoyalula ukwebati Lesa naye aba uutachetekelwa?

Loma 2:18

Walishiba ifyo Lesa afwaya ukuti ulokuchita, nakambi walisambilila mu Mafunde ukusala ichilungeme nechibi.

Loma 1:2

Ubutumi mbu Lesa abulayile akale ukupitila mubasoseshi bakwe. Elo bwalembelwe mu Malembo Aabuta.

Yohane 5:39

Mulafwayilisha ifya Mumalembo Apatulika pantu mulanguluka ukwebati emo mwingasangamo ubumi butashila. Nga Malembo eapela bukamboni pali nebo.

Loma 3:1

Napo Abayuda balichilapo pabenafyalo? Nangula mukushilimunwa, chinshi twingabwenamo?