Loma 2:10 - Chipangano Chabwangu

¹⁰ Nomba Lesa akupela ubukata, umuchinshi nomutende kuli bonse abachita ifiweme, ukwambila ku Bayuda elo nakubenafyalo.

Loma 2:10 Referans Kwoze

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

Yemusi 3:13

Ninani pali mwe uuli nomulangwe nokumfwikisha? Ayilange enka ukupitila mumikalile yakwe iiweme, namuli mfilya achita ifyamulangwe mukuyichefya.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Luka 1:79

Akubasanikila bonse abayikala mumfinshi namuchintelelwe chamfwa, ukulangilila munshila yabwanalale.”

Yemusi 2:22

Boneni ukuti ichichetekelo chakwe nemilimo fyalibombele pamo. Ukupitila mumulimo wakwe, ichichetekelo chakwe chalifikilepo.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 2:9

Amachushi nokufinya fyakwisa pali bonse abachita ifibi, ukwambila ku Bayuda, elo nakubenafyalo.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Filipi 4:7

Elo umutende uufuma kuli Lesa, uyo uuchilapo pamano onse ayamuntu, wakulama bwino imitima yenu namalangulushi enu muli Klistu Yesu.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 9:23

Elo nakambi afwayile ukubonesha ubuleme bwakwe ubukulu kuli fwebo abo akwatile ichisa nokutupekanishisha limo mbu bulume.

Loma 9:21

Napo uubumba inongo takwetepo ifiso ifyakubumba ukufuma kwibumba limo ilyeloba inongo shibili: imo iiweme, elo nayimbi iyabwaka?

Imilimo ya batumwa 10:35

Alapokelela umuntu uli onse uumulomba nokuchita ifyalungama ukwambula ukulolesha pamutundu wakwe.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Luka 22:14

Ulo inshita yafikile, Yesu abulile ichifulo chakwe petebulu pakulya pamo nabatumwa bakwe ikumi na babili.

Luka 19:42

nokwebati, “Chilibipile ukweba ati nanduno abantu bobe tabeshibilepo ichakubaletela umutende! Nomba chafiswa ukufuma kuli we!

Luka 12:37

Mba bapyungi bakuba nokusekelela ulo shikulu wabo akwisa kubasanga bakololela nokuyiteyanya ulo abwela! Nachine nkomweba ati, akwisa ukufulako ikoti lyakwe lyamuchinshi nokubekalika ukuti abatebete.

Luka 9:48

Elo asosele ati, “Umuntu onse uupokelela akana kanini mwishina lyanji, akopokelela nebo, nakambi na onse uwapokelela nebo, apokelela nowantumine. Pakuti uukoyichefya muli mwebo, emukulu pali bonse.”

Mateyo 10:13

Abali munanda nga bamupokelela bwino, umutende wenu wikale nabo. Nga chakuti tabamupokelelepo, lekeni umutende wenu ubwelele kuli mwebene.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

Hebele 2:7

Pakanshita kanini mwalimuchefeshe kubangelo, kuntu nomba mwamuchinshika nokumupela ubufumu.