Kolose 4:12 - Chipangano Chabwangu

¹² Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

Kolose 4:12 Referans Kwoze

Loma 15:30

Nkomupapata mwe bawesu, ukupitila muli Bashikulu Yesu Klistu nokutemwa ukufuma ku Mupashi Wabuta, ukwebati pamo naine munombeleko nefiso kuli Lesa.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

Filimoni 1:23

Epafulasi, uwo tuli nakwe muchifungo pamulandu waku Yesu Klistu, akuposha umutende.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

Kolose 1:7

Mwasambilile nchi kuli Epafulasi umupyungi munesu uyo twatemwa. Elo umupyungi ngu twachetekela uwaku Klistu aba kuli mwebo muchifulo chesu.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

Galatiya 4:19

Mwe bana banji, kubati nimfilya umwanakashi aumfwa ukufinya pakupusuka, efyo nandibo nkoumfwa ukufinya pamulandu wakumwebo ukufikila nobwina Klistu bwakuba muli mwe.

Galatiya 1:10

Ulo nkososa mfi, napo nkofwaya ukulumbanishiwa kubantu? Nangu panini, kuntu Lesa bwaka. Napo nkofwaya ukusekesha abantu? Iyowo, nga nalikufwaya ukuchita mfi, tekuti mbepo umupyungi waku Klistu.

Loma 15:14

Mwe bawesu, nalishininkisha ukwebati mulikwete ubumi ubuweme, mulishibile fyonse ifisuma nokusambishanya.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

Hebele 5:14

Nomba ichakulya ichikosele chabantu abashipa. Ukupitila mukuchita ifintu, bangapusanya pakati kafilungeme nefitalungeme.

Hebele 5:7

Ulo Yesu ali umuntu panonshi alikulomba nokupapata neshiwi ilikulu kuli Lesa neminsoshi uyo uwali nefiso ifyakumupulusha kumfwa. Pamulandu wakuti Yesu aliyichefeshe nokuyipela, Lesa alimumfwile.

Kolose 1:22

Nomba Lesa alimuwikishanya ukupitila mumfwa ya Mwana wakwe uwali nomubili kubati yesu. Achitile mfi ukwebati pamenso yakwe mube ababuta, abatakwetepo akalema nakambi abapwililika.

2 Kolinto 13:11

Echo mwe bawesu, shalenipo umutende. Mweshe ukuba abafikapo, nakilileni kufyo nkomweba, mulokumfwana, elo mwikale mumutende. Elo na Lesa uwakutemwa nomutende akuba namwe.

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

1 Kolinto 2:6

Nomba pabantu abashika tusosa ifyamulangwe, kuntu temulangwepo uwabuntunse iyowo nangula uwantungulushi shamuchalo nshi ishiloba.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Mateyo 5:48

Echo mube ababuta kubati nimfilya Bawishinwe bakumulu baba ababuta.

Yemusi 5:16

Echo fisululeni amabifyo enu onse kuli bawenu nokulombela umo nomunakwe. Ukulomba kwamuntu uwakaele kwalikwata ifiso ifikulu.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

1 Tesalonika 5:23

Lesa umwine, uutupela umutende, amulenge ukuba abantu bakwe abenenene. Amulenge abafikapo mumupashi, mumitima nakambi mumibili yenu ukuti mwikaba nakalema ulo bakwisa Bashikulu Yesu Klistu.

Luka 22:44

Mukupenga ukukulu ukwamutima, Yesu alilombele ukuchisha napakubala, ichibe chakwe chapalile ati mulopa walikuswila panshi!]

Luka 1:1

Mwe batemwekwa ba Teyofilasi, Abantu abenji balyeseshe ukulemba bwino-bwino ukuti balondolole ifintu ifyachitika pakati kesu.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 4:9

Akoyisa na Onesimasi, umunesu uwatemwekwa nakambi uwachetekelwa, ngu wamwibumba lyenu. Bakoyisa kumwebako fyonse ifichitika.

Yemusi 1:4

Lekeni ukushipa nku kutwalilile ukwambula ukufilwa ukwebati mube abakaele nokufikapo, abatakokabilapo akantu akali konse.