7 Namweba kale efyo mwali ulo mwalikufichita mfi.
Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.
Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.
Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.
Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.
Ulo twalikukonka ubumi bwabuntunse, ifibi fyakoseleshiwe na Mafunde nokukula muli fwe. Elo fyalifyala imfwa.
