Kolose 3:10 - Chipangano Chabwangu

¹⁰ Nomba mwalinjila mubumi bwabwangu. Elo kabumba wenu eubulenga ubwabwangu lonse muchipasho chakwe pakumupalamika uko aba, pakuti mumwishibishe bwino.

Kolose 3:10 Referans Kwoze

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

1 Yohane 2:5

Lelo uukonka amashiwi akwe engulya ukutemwa kwaku Lesa kwabamo ukwapwililika. Muli nji nshila, emo twishibila ukuti twaba pamo na Lesa.

Loma 13:14

Kamushe ifyabuntunse nefibi fyachiko. Elo Shikulu Yesu Klistu abe ichilwanyo chenu.

1 Yohane 2:3

Nga twakonka amafunde aku Lesa, ekwebati twashininkisha ukuti tulimwishibile.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Ukufisulula 21:5

Penkapo ngulya uwayikele pamupando wabufumu asosele ati, “Nomba nkolenga ifintu fyonse ukuba ifyabwangu.” Nakambi alisosele ati, “Lemba mfi, pakuba amashiwi nga yachine nakambi alingile ukuyachetekela.”

Efeso 2:15

Ye ashilishe Amafunde akwa Mosesi, ifyakukonka nefilangililo. Alichitile mfi ukuti ukufuma kumitundu ibili njilya alenge umutundu umo uwabwangu, uwaikala muli Ye, ukuti engaleta umutende.

Galatiya 6:15

Temulandupo ukushilimunwa nangu ukutashilimunwa, ichikulu chakuti umuntu asanguke uwabwangu.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

Loma 13:12

Nomba ubushiku buli mupepi ukushila nakasuba kakusanika. Nomba katuleke imilimo yamumfishi, elo tupinte ifyankondo ifyamukasuba.

Galatiya 3:27

Elo bonse mwayishileba umo na Klistu ulo mwabatishiwe, mwachitile ukubati mwafwala umubili uwaku Klistu.

Hebele 6:6

Bafutatila Lesa, elo mukuchita mfi bakochita kubati bakosamika Umwana waku Lesa chipya-chipya nokumusaalula palwalala.

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

2 Kolinto 4:16

Echo tatutomposha umutima. Nangu imibili yesu ikoba yanaka, nomba mumitima yesu tukopokelela ifiso fyabwangu akasuba nakasuba.

Filimoni 1:6

Nkolomba ukuti ichichetekelo icho ukoakana nabo chibombe imilimo ukufikapo, ukuti ufishibishe bwino fyonse ifiweme ifyo tupokelela muli Klistu.