Kolose 2:8 - Chipangano Chabwangu

⁸ Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

Kolose 2:8 Referans Kwoze

1 Timoti 6:20

Timoti, usunge fyonse ifyo wapelwa. Ushe amashiwi akulakaika bwaka, ayo atapelapo umuchinshi kuli Lesa, namashiwi akutalikana awo abantu abapuneme beba ati yamano.

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Galatiya 4:9

Kuntu nomba mwalishiba Lesa, nangula nkasose ati Lesa alimwishiba, mba nindo mukobwelela kutufuto ntulya twabwaka nakambi utwansha nsoni? Mulandu ndo mukofwaya ukuba abasha nakambi bamfilya?

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

2 Petulo 3:17

Nomba mwebo mwe batemwekwa, pakuti mwalifishiba akale mfi, muchenjele ukuti bemulufya kububi bwambifi mfi. Shakumuseshapo apaweme apo mwimakene.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

2 Yohane 1:8

Chenjeleni ukuti tamulufishepo ifyo mwabombela, lelo mukapokelele ichilambu chenu ichayisushiwa.

Galatiya 4:3

Chimo chenka nafwebo, ulo twali abayiche twali abasha ababwikashi bwapanonshi.

2 Kolinto 10:5

Tulonaula ifitala fyonse ifilenga abantu ukuteshiba Lesa. Tulachimfya amalangulushi onse ukuti anakile Klistu.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

1 Petulo 1:18

Mulishibile bwino icho amupulwishisheko kubwikashi bwenu ubo mwasambilile kufikolwe fyenu. Taamupulwishisheko kufintu ifyonayika kubati silubale na golide iyowo.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

Efeso 4:20

Nomba mwebo tamwasambililepo munshila nji ifyaku Yesu iyowo.

Galatiya 1:14

Echo nali pantanshi yabananji bonse mukuchita ifya Chiyuda. Nachine nali uwachinchila mutufuto utwafikolwe fyesu.

Filipi 3:2

Chenjeleni nabo ababusali kubati nimbwa, abachita ifibi, abo abashilimuna umubili bwaka.

Mateyo 16:6

Elo Yesu asosele kuli bo ati, “Chenjeleni nemimena ya Bafalisi na Basaduki.”

Mateyo 10:17

Chenjeleni nabantu, pakuti bakamutwala mufilye nokumupuma mumananda aakulombelamo Lesa.

Kolose 2:22

Amafunde nemisambishisho nji yabantu bwaka, fisosa ifyafintu ifishila ulo bafibomfya!

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Imilimo ya batumwa 17:18

Abantu bambi abamulangwe abalikwitwa Bayipikuleya na Basitoyiki abasambishi balikutalikishanya na ye. Bambi balikusosa ati, “Ngoyu uteshibilepo nangu kamo, findo akososa?” Bambi nabo ati, “Ali kubati akososa pamulandu wabalesa bambi.” Basosele mfi pantu Paulo alikubilisha amashiwi aku Yesu nokubuka kwakwe kubafwa.

Imilimo ya batumwa 17:32

Ulo baumfwile Paulo akososa ifyakubuka kubafwa, bambi balikumuseka, kuntu bambi nabo balikusosa bati, “Twakwisa kumfwako nakambi amashiwi nga.”

1 Kolinto 8:9

Nomba muchenjele ukuti ubuntungwa mukwete bwiba ichipunwisho kuli bo abatakosa muchichetekelo chabo.

1 Kolinto 10:12

Nomba onse uwilangulukila ukuti alimakana ndi achenjele pakuti ewapo.

Galatiya 5:15

Nomba nga mukochushanya kubati ninama ishamumpanga, muchenjele ukwebati mwikayonaula mwenka.

Kolose 2:23

Kwena amashiwi nga akoboneka ukubati yamano pantu alasuminisha ukuti abantu balombe munshila iyo bafwayilamo, ukuyichefya nokuchusha umubili nkansa-nkansa. Nomba amafunde nga yabwaka, afwilisha bwaka ukusekesha ubumi bwabuntunse.

Hebele 3:12

Mwe bawesu muchenjele ukuti kwibapo nangu umo muli mwe uwamutima uubi uutachetekelapo uyo uwingamutalushako kuli Lesa wabumi.