Kolose 1:9 - Chipangano Chabwangu

⁹ Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

Kolose 1:9 Referans Kwoze

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

Yemusi 1:5

Kati umo pali mwe takwetepo umulangwe, alombe kuli Lesa uupela namaboko abili ukwambula ukuyilishanya.

Kolose 4:5

Muchenjela mufintu mukochita kubantu bakunse. Mubomfye bwino inshita shonse isho mukoshukila.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

1 Petulo 2:15

Pakuba Lesa akofwaya ati nemilimo yenu iiweme mutalalike ukusosa kwabatayishiba, ukwabantu abapuneme.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

1 Tesalonika 5:17

Mulokulomba inshita shonse.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Filipi 1:4

Lonse ulo mulombelako, ndalomba nokusangalala.

Filimoni 1:4

Ndatotela Lesa wanji lonse, nokukulangulukilako mukulomba kwanji.

Efeso 6:6

Mulokuchitapo bwaka ulo bakomulondapo, kubati mukofwaya ukusekesha abantu. Nomba nga abasha baku Klistu, muchite nomutima onse ifyo Lesa afwaya.

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Yohane 2:17

Ichalo nafyonse ifyabamo ifyo bantu bakumbwa fyakupita, lelo umuntu uuchita ubufwayo bwaku Lesa ekalilila umuyayaya.

1 Petulo 4:2

Echo ulo muchili nobumi panonshi, tamwakonkepo ukufwaya kwabuntunse, kuntu ukufwaya kwaku Lesa.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

Efeso 5:17

Echo mwibapo abapuneme, kuntu mwishibe ifyo Bashikulu bafwaya ukuti muchite.

Efeso 5:10

Esheni ukwishiba ifingasekesha Bashikulu.

Efeso 1:8

Lesa alibufukumwine pali fwe. Mumulangwe namukwishiba kwakwe,

Yohane 7:17

Umuntu onse uukofwayisha ukuchita ifyo Lesa afwaya, ewakwisa kwishiba ifyo nkosambisha nga fyafuma kuli Lesa nangula nkoyisosela nemwine.

1 Kolinto 1:5

Echo muli Klistu muli bachindama pali fyonse, ukuchilapo mukusosa namukwishibisha konse.

Imilimo ya batumwa 12:5

Ulo Petulo ali muchifungo, abena Klistu bayikelefye ukumulombela kuli Lesa.

Filimoni 1:6

Nkolomba ukuti ichichetekelo icho ukoakana nabo chibombe imilimo ukufikapo, ukuti ufishibishe bwino fyonse ifiweme ifyo tupokelela muli Klistu.