Kolose 1:5 - Chipangano Chabwangu

⁵ Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 1:5 Referans Kwoze

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

1 Petulo 2:2

Kubati tucheche utukofunga ibele, namwebo mufunge ibele ilinenene ukwebati umukushe nokumufikisha kuchipulusho.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

1 Kolinto 15:19

Nga twashintilila ukuchetekela kwesu muli Klistu pamulandu wabumi mbu bwenka, epela nifwe bamwansha nsoni ukuchila abantu bonse.

Hebele 7:19

Pakuti Amafunde akwa Mosesi tayawamishepo umuntu nangu umo, kuntu muchifulo chamafunde nga tuli nokulindilila ukwachilapo. Elo nokulindila nku chichetekelo ichitupalamika kuli Lesa.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.

2 Kolinto 5:19

Mubilisha ukuti muli Klistu, Lesa awikishanya abamuchalo nakwe ukwambula ukupenda amabifyo abo. Echo atupele nga mashiwi ayasosa ukuwikishanya nku.

Imilimo ya batumwa 23:6

Ulo Paulo ayishibile ukuti bambi pebumba bali Basaduki, bambi nabo Bafalisi, asanswile ishiwi muchilye nokusosa ati, “Mwe bawesu, nebo ndi Mufalisi umwinenene, umwana wa Mufalisi. Icho bandetele mukulubulula nipamulandu wabuchetekelo nakwata bwakubuka kwabafwa!”

1 Petulo 3:15

Nomba mumitima yenu muchinshike Klistu pakuti ni Shikulu wenu. Mube abayipekanya inshita yonse ukwasuka mubufuke namumuchinshi abantu abamufumba ukulindilila kwenu.

1 Kolinto 13:13

Pakuba pali ifintu fitatu: ichichetekelo, ukulindilila nechitemweko. Nomba muli mfi, ichikulu ukuchilapo kutemwa.

Imilimo ya batumwa 24:15

Nalikwata ichichetekelo kuli Lesa icho namba bakwete ichakuti abantu bonse, abachetekela nabatachetekela, bakubuka kubafwa.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

Loma 10:8

Nomba chindo akososa? Ninchi ichakuti, “Amashiwi aku Lesa aba apepi, pamilomo namumitima yenu.” (Ekwebati amashiwi aasosa ifyachichetekelo icho tubilisha.)

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Imilimo ya batumwa 13:26

“Mwe bawesu, mwe balupwa lwakwa Abulahamu namwe bonse abalomba kuli Lesa, nikuli fwe ndi shiwi lyakupulushiwa lyatuminwe!

2 Kolinto 6:7

Mukusosa amashiwi aakwebesha, elo mufiso fyaku Lesa. Mukulwa kwesu tulachita ifilungeme.

Galatiya 2:5

Nomba tatwabanakililepo nangu panini iyowo. Twalichitile mfi pakuti twalikufwaya ukuwamya ukusambisha ukwachine ukwa Butumi Bwawama.

Galatiya 2:14

Ulo abwene ukuti tabali kukonka ukusambisha ukwachine ukwa Butumi Bwawama, nalisosele kuli Petulo pachinso chabantu bonse ati, “Webo uli Muyuda, kuntu mubwanalale bobe, walikwikala kubati mwinafyalo. Mba nindo ukopatikisha abenafyalo ukwikala kubati Bayuda?”

Efeso 4:21

Nachine mwalyumfwile ifyakwe. Elo mwalisambilile nefyachine ifyamuli Klistu.

2 Petulo 1:12

Echo shalekepo ukumwibukisha mfi inshita shonse nangu mulifishibile kale, elo mulachetekela ichine icho mwapokelele.