Kolose 1:4 - Chipangano Chabwangu

⁴ Pakuba tulyumfwile ukuchetekela kwenu uko mukwete muli Klistu Yesu, nefyo mwatemwa abantu baku Lesa bonse.

Kolose 1:4 Referans Kwoze

Efeso 1:15

Pali ngu mulandu, ulo naumfwile ifyakuchetekela kwenu muli Bashikulu Yesu nokutemwa uko mwakwata kubachetekela banenu,

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

1 Yohane 4:16

Nafwe bene twalishiba nokuchetekela ukutemwa akwata muli fwebo. Lesa kutemwa. Umuntu onse uwakwata ukutemwa ali muli Lesa na Lesa muli ye.

Filimoni 1:5

Pakuti ndomfwa ukutemwa uko ukwete pabantu baku Lesa, elo nechichetekelo chobe muli Bashikulu Yesu.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Tesalonika 3:6

Nomba Timoti alibwela nkuno. Alitushimikilako amashiwi aaweme aachichetekelo nokutemwa kwenu. Alitushimikila ukuti mukutemwa kwenu mulatwibukisha nokufwaya ukutubona kubati nimfilya tukofwaya ukumubona nafwe.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

2 Kolinto 7:7

Tekufika kwakwe bwaka iyowo, kuntu namashiwi aasosa ifyo mwamukoseleshe. Alitwebele ati mukonkabila ukwinekantu, ukuchula kwanji kukomuchusha, elo nokuti muli abayipekanya ukungafwilishako. Epamulandu ngu nkosekelela ukwinekantu.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.