Kolose 1:16 - Chipangano Chabwangu

¹⁶ Muli Ye Lesa alengele fyonse ifyamumulu napanshi, ifiboneka nefitaboneka, intungulushi, bashamfumu nabachilolo, elo nabakateka. Lesa atalile fyonse ukupitila muli Klistu nakambi afilengele Ye.

Kolose 1:16 Referans Kwoze

Loma 11:36

Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!

Yohane 1:3

Ukupitila muli Ye Lesa atalile ifintu fyonse. Takupo nangu chimo ichatalilwe ukwambula Ye.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

Hebele 2:10

Pakuti Lesa e Kabumba uwafintu fyonse, elo fyonse filingile kuli Ye, chalimuwamina ukwebati achite Yesu ukuba intungulushi iyafikapo ukupitila mufyakufinya. Munshila nji alifisha abana bakwe abenji kumuchinshi, pakuti Yesu emutanjishi kuchipulusho.

Hebele 1:2

Nomba munshita shakupelako shino asosa nafwebo ukupitila mu Mwana wakwe. Muli Ye Lesa alengele ichalo, nakambi eye asalile uwakuba umwine wafintu fyonse.

Efeso 1:10

Icho Lesa afwayile ukuchita panshita ilingile kuleta pamo ifyakumulu nefyapanonshi, na Klistu nga umutwi.

Kolose 1:15

Klistu echipasho chaku Lesa uutabonekapo, nakambi ebeli kufyalengwa fyonse.

Kolose 2:10

Elo muli Ye namwebo mwalipelwa ubumi ubwiwile sululu. Elo Klistu Ye ewachila pamafumu napabuteko bonse.

Filipi 2:10

Achitile mfi ukwebati pakumfwa ishina lyaku Yesu bonse abamumulu, panonshi nakunshi yachalo bamufukamine mukumuchinshika.

Kolose 1:20

Muli Klistu Lesa apingwile ukuwikishanya ifintu fyonse kuli Ye, ifyapanshi nefyakumulu. Lesa aletele umutende mumfwa ya Mwana wakwe pamutashi.

1 Petulo 3:22

Yesu aliile mumulu. Ali kukuboko ukwamulyo ukwaku Lesa. Kwenka nkulya, abangelo, babuntungulushi nabafiso bakomunakila.

Kolose 2:15

Muli Klistu, Lesa afumishe ifiso ifyabakateka nabansambu bonse nokubalenga insoni palwalala ulo abalangile ukuchimfya kwakwe.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Loma 8:38

Pakuba nalishininkisha ukwebati takupo nangu chimo ichakutulekanya kuchitemweko chaku Lesa. Nangu imfwa, nangu ubumi, nangu abangelo, nangu intungulushi, nangu ifintu ifiliko nangu ifyakwisa kuboneka, nangu ifyafiso ifili shani,

Yohane 1:10

Ishiwi ndilya lyali muchalo, nangu Lesa atalile ichalo ukupitila muli Ye, kuntu abantu tabamwishibilepo.

Loma 9:5

Mba bafuma kufikolwe ifyayishibikwa ifya Bayuda. Elo Uwasubwa uyo alayile wamutundu wabo, ukusosa pafyabuntu bwakwe. Lesa uutungulula ifintu fyonse atondayishiwe lonse.