Kolose 1:11 - Chipangano Chabwangu

¹¹ Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

Kolose 1:11 Referans Kwoze

Efeso 3:16

Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.

Filipi 4:13

Ningachita ichili chonse pakuti Klistu eumpela ifiso.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Efeso 6:10

Pakupelako nkoti, koseni muli Bashikulu, namufiso fyabo ifikulu.

2 Kolinto 4:7

Nomba fwebo tuli nongo bwaka ishakusungilamo mbu buboni ukwebati peshibikwe ukuti ifiso ifikulu mfi fyaku Lesa, tefyabantupo iyowo.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Ukufisulula 14:12

Echo abantu baku Lesa balingile ukushipikisha, bo abalama amafunde yaku Lesa nechichetekelo icho bakwete muli Yesu.

2 Petulo 1:6

Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

Yuda 1:25

Lesa uwaba umo bwaka, uutulubwila muli Yesu Klistu Imfumu yesu, eye akwate ubuleme, umuchinshi, ifiso nensambu, ukufuma bwaka kukale nomuyayaya. Ameni.

1 Kolinto 16:13

Mulokuba abayibukila, abakosa muchichetekelo. Koseni elo mube abafiso.