Kolose 1:10 - Chipangano Chabwangu

¹⁰ Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 1:10 Referans Kwoze

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

1 Yohane 3:22

Elo fyonse ifyo tulomba alatupela pantu tukonka amafunde akwe nokuchita ifimusekesha.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

Hebele 13:16

Mwilokulabukilapo ukuchita ifiweme nokwafwilishanya pakuti mfi efipupo ifisekesha Lesa.

Yohane 15:8

Bata bakochinshikwa muli nchi ichakuti mutwale ifitwalo ifinji, elo mukoyisa kuba abakusambila banji.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

2 Petulo 1:8

Nga mfi fyayikala muli mwebo ukuchishapo, tamwabepo abakangiwa nangu abatakwetepo akantu pamanu aakwishibilapo Bashikulu wesu Yesu Klistu.

Kolose 2:6

Mwenka umo mwasuminina ukuti Klistu Yesu Bashikulu wenu, mulokwikalilila muli Ye.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

Kolose 4:5

Muchenjela mufintu mukochita kubantu bakunse. Mubomfye bwino inshita shonse isho mukoshukila.

Efeso 5:15

Bakeni imyendele yenu. Mwilokwendapo kubati bantu abatakwetepo umulangwe, kuntu nga bantu bamulangwe.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

2 Kolinto 2:14

Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

Efeso 5:10

Esheni ukwishiba ifingasekesha Bashikulu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

Taitasi 3:1

Ulokubebukisha abantu bobe ukuti balokunakila ishamfumu nentungulushi. Balokubomfwila nokubomba bwino imilimo yonse.

Kolose 3:20

Mwe bana, mulokumfwila abafyashi benu mufintu fyonse, pantu nchi echisekesha Bashikulu.

Efeso 4:13

Echo pakupelako bonse twakufika kuli bumo ubo busangwa pakuchetekela nokwishiba Umwana waku Lesa. Elo twakwimakana ndi nokuba nobwikashi ubwafikapo ubwaku Klistu.

Hebele 11:5

Muchichetekelo Enoki alipintilwe kumulu ukwambula ukufwa. Takupo umuntu uwamusangile pakuti Lesa alimupintile kumulu. Amalembo asosa ukuti ulo Enoki talapintwa, alikusekesha Lesa.

2 Timoti 2:4

Tapapo umushilikali uukolwa inkondo uupunamina pafintu ifyakumushi pakuti akofwaya ukusekesha uyo uwamwinjishe milimo.

Kolose 2:19

Elo balifumako kuli Klistu umutwi wachilonganino. Muli Klistu umubili onse ulapokela ifiso nokwikatana kwafilundwa fyonse. Echo umubili ulakula nga umo Lesa afwayila.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

2 Kolinto 9:8

Lesa kuti amupela ishuko ukuchilapo ukuti lonse mulekwata ifyo mukabila nafimbipo ifyakubombelapo imilimo iiweme.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Loma 4:12

Nakambi ewishibo wabashilimunwa. Tekushilimunwapo kwenka, kuntu abenda munshila iyakuchetekela iyali nabata Abulahamu ulo tabalashilimunwa. Ichilayo chaku Lesa chipokelelwa muchichetekelo.

Loma 1:13

Echo bawesu, nkofwaya mwishibe ukuti inshita ishinji nalikufwaya ukwisa ukumutandalila, kuntu ifintu fimbi filankanya ukuchita nchi. Nkofwaya ukwalula bamo abamuli mwebo kubati nimfilya nachitile kubenafyalo bambi.

2 Kolinto 5:9

Echo nangu tuli muno nangu muli Bashikulu, tufwaya ukubasekesha.

3 Yohane 1:6

Mba basosele nkuno pafyakutemwa uko wakwata pachilonganino. Kuti chawama ukwinekantu nga mwabafwilisha, mukusekesha Lesa, ukuti bapitilile mubulwendo lwabo.