Filipi 4:3 - Chipangano Chabwangu

³ Elo nkokupapata nawebo, wemunanji umwinenene pamulimo wesu ngu ukuti ubafwilisheko abanakashi mba. Pakuba balibombele ukwinekantu pamo nandibo mukutanda Ubutumi Bwawama. Elo babombele na Kilementi pamo nababomfi bananji bambi abali namashina aabo aalembelwe mwibuku lyabumi.

Filipi 4:3 Referans Kwoze

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 3:5

Bonse abakuchimfya, bakufwala mfi ifibutile tuutu, amashina abo nshakafutepo mwibuku lyabumi. Nakubilisha amashina abo kuli Bata nabangelo bakwe.

Luka 10:20

Nomba mwisekelela nanchi ichakuti imipashi iibi ikomumfwila, kuntu sekeleleni pakuti amashina enu alilembwa kumulu.”

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Ukufisulula 21:27

Nomba mumusumba ngu tamwakenjilemo akantu nangu kanini akabipa nangula abantu bachita ifyansoni, nangula ababufi. Abantu abakwinjilamo nimbalya abakwete amashina ayalembwa mwibuku ilyabumi ilya Mwana wambelele.

Ukufisulula 17:8

Ichiswango icho wabona, inshita imbi chali ichabumi, kuntu nomba tachikwetepo ubumi. Chili mupepi nokufuma muchilindi ichitapelapo ukuti chikonaulwe. Abantu bonse abekala pachalo abakwete amashina atalembelwepo mwibuku ilyabumi ukufuma ukutatika kwachalo, bakushimbwa pakubona ichiswango nchi. Chali nobumi, kuntu nomba tachikwetepo. Nangu chibe mfi, chakwisa kuboneka nakambi.

Filipi 4:2

Nkopapata Yuwodiya na Sintike ukuti bomfwane muli Bashikulu.

Loma 16:12

Nkoposha umutende kuli Tulayifena nakuli Tulayifosa, bo abapyunga umulimo waku Bashikulu nefiso. Muposhe umutende na Pesisi umutemwekwa wanji, alichitile ifinji mukupyungila Bashikulu.

Loma 16:9

Muposhe umutende Ubanasi umupyungi munanji muli Klistu na Sitakisi umunanji natemwesha.

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Ukufisulula 20:12

Penkapo nalibwene abafwa, abakulu nabayiche, balimakene pantanshi yamupando wabufumu ngulya. Elo amabuku aliswilwe. Kwalipo nalimbi ibuku ilyayiswilwe, ibuku ilyabumi. Abafwa mbalya balipingwilwe ukulingana nefyo bachitile, kubati nimfilya chalembelwe mwibuku ndilya.

Kolose 1:7

Mwasambilile nchi kuli Epafulasi umupyungi munesu uyo twatemwa. Elo umupyungi ngu twachetekela uwaku Klistu aba kuli mwebo muchifulo chesu.

Ukufisulula 20:15

Elo bonse abatasangilwemo mwibuku lyabumi, baliposelwe muli bemba wamulilo.

Filipi 1:5

Nkomutotela pakwikatana pamo nane mukungafwilishako ukubilisha Ubutumi Bwawama ukufuma pakutatika ukufika nanduno.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Filipi 1:12

Bawesu, nkofwaya ukuti mwishibe ukwebati ifyanchitikile fyalingafwilishako ukutanda Ubutumi Bwawama.

Filipi 1:16

Mba abakulekelesha babilisha pamulandu wakutemwa. Pakuba balishiba ukwebati Lesa alimpela umulimo uwakulama Ubutumi Bwawama.