Filipi 4:19 - Chipangano Chabwangu

¹⁹ Lesa wanji ali nobuboni ubwinji. Elo muli Klistu Yesu akumupela fyonse ifyo mukabila.

Filipi 4:19 Referans Kwoze

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Efeso 3:16

Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Loma 9:23

Elo nakambi afwayile ukubonesha ubuleme bwakwe ubukulu kuli fwebo abo akwatile ichisa nokutupekanishisha limo mbu bulume.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 1:18

Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Loma 11:33

Ama, ati ukukula ubuchindami bwaku Lesa! Mba ninani uungaulinga umulangwe namano akwe? Ninani uwingalondolola ukufwaya kwakwe? Elo ninani uwingomfwikisha inshila shakwe?

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

Loma 1:8

Ichakubalilapo, nkototela Lesa wanji ukupitila muli Yesu Klistu pamulandu waku mwebo bonse, pakuti ichalo chonse chikoumfwa ifyachichetekelo chenu.

Yohane 20:27

Elo asosele kuli Tomasi ati, “Bika umunwe obe mpa, lolesha nakumaboko anji wishibe ukuti ninebo. Tambulula ukuboko kobe wikate pachitumba chanji ukuti wikayikapo, kuntu uchetekele bwaka!”

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Filimoni 1:4

Ndatotela Lesa wanji lonse, nokukulangulukilako mukulomba kwanji.

2 Kolinto 12:21

Nkotina ukuti nga nayisa nakambi kuli mwe, Lesa wanji kuti amfwisha nsoni pamenso enu. Elo nande nakulila imisonshi pamulandu waku bo ababifishe kale, elo tabalapile pabusali bachitile: Ubuchende bwabo nefibi fyonse ifyo balikuchita.

Mateyo 6:32

(Fyonse mfi efyo abantu abatayishibapo Lesa babikapo imitima yabo.) Nomba mwe mwishibe ukwebati Bawishinwe bakumulu balishiba ati fyonse mfi mulafikabila.

Filipi 4:7

Elo umutende uufuma kuli Lesa, uyo uuchilapo pamano onse ayamuntu, wakulama bwino imitima yenu namalangulushi enu muli Klistu Yesu.