Filipi 4:18 - Chipangano Chabwangu

¹⁸ Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Filipi 4:18 Referans Kwoze

Hebele 13:16

Mwilokulabukilapo ukuchita ifiweme nokwafwilishanya pakuti mfi efipupo ifisekesha Lesa.

Filipi 4:12

Nalishiba ukuba uwachula, nokuba nefintu ifinji. Muli fyonse nalisambilila ichabumfisolo nchi ichakuba uwayikuta nangu uwansala, ukuba nefinji nangu utunini.

2 Kolinto 9:12

Umulimo ngu mukochitila abantu baku Lesa, tamukoafwilisha bwaka pafyo batakwetepo, kuntu bantu abenji bakutondayisha Lesa ukwinekantu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Imilimo ya batumwa 10:4

Ulo Koneliyasi abwene umungelo ngu, alitinine nokusosa ati, “Nindo bamfumu?” Elo umungelo asosele kuli ye ati, “Lesa atemwa ukulomba kobe pamo nemilimo yobe iyakwafwilisha iyo ukochita. Echo akofwaya ukukwasuka.

2 Kolinto 11:8

Ulo napokelele ubwafwilisho kufilonganino fimbi, kubati kubapoka bwaka ifyabo ukwebati mwafwilisheko.