Filipi 3:6 - Chipangano Chabwangu

⁶ Nali uwachinchila ichakwebati nachushishe ichilonganino. Nachitile fyonse ifyo Amafunde alikufwaya ukwebati nsekeshe Lesa.

Filipi 3:6 Referans Kwoze

Imilimo ya batumwa 8:3

Nomba Saulo alikoselepo ukonaula ichilonganino chabena Klistu chonse. Elo alikwinjila namumananda abo, nokwikata abalalume nabanakashi, nokubaposa muchifungo.

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

1 Timoti 1:13

Nangu chingaba ati nalikumusalula, kumuchusha, elo nokumutuka. Nomba Lesa alimbele inkumbu, pantu nshayishibilepo ifyo nalikuchita pakuti nshakwete ichichetekelo.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

1 Kolinto 15:9

Pakuba ndi umunono pabatumwa bonse. Tanshilingilepo nokwitwa umutumwa pakuti nalikuchusha ichilonganino chaku Lesa.

Loma 7:9

Akale nebo nali uwabumi ubwabwaka. Nomba ulo ifunde lyayishile, elo ububi bwatilimukile.

Imilimo ya batumwa 26:5

Kati bachishinka, kuti basumina ukuti ukufuma nakale nalikwenda mwibumba lya Bafalisi, abalama amafunde esu ukuchila bonse.

Imilimo ya batumwa 21:20

Ulo baumfwile mfi bonse balitotela Lesa. Elo baebele Paulo ati, “Wabona ifyo chili we mukwasu, ifyo Abayuda bali imyanda nemyanda bachetekele Yesu. Mba baliipele ukufikapo ukulama Amafunde aku Lesa.

Luka 1:6

Bonse mba babili bali abantu abaweme nakambi abasekesha Lesa. Balikumfwila amafunde onse nokukonka ukufwaya kwaku Bashikulu.

Mateyo 23:25

“Ishamo kuli mwebo mwe basambishi ba Mafunde na Bafalisi, mwe bakutumpayika! Musamfya inkombo nembale kunse, kuntu mukati mwayiulamo ifyo mwapokolola kubunkalwe nakuli bukayitemwe.

Imilimo ya batumwa 22:5

Chipupila mukulu nechilye chaku bachilolo bonse nibakamboni banji. Ebalikumpelako namakalata ayakukonka mba bantu abali ku Damasikasi. Nayileko mukubakaka aba Nshila nji nokubaleta ku Yelusalemu ukuti babapele umulandu.

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

Filipi 2:15

ukuti mube ababula umulandu, abana baku Lesa abatakwetepo akalema pakati kabantu abapetama nakambi ababi. Pakati kabantu abali mfi mulasanika kubati nimfilya intandala shiboneka panonshi