Filipi 3:19 - Chipangano Chabwangu

¹⁹ Kumupwilo bakonaulwa, pakuti lesa wabo fintu ifiwamya umubili. Bakoyitutumwina pafyo balingile ukuba nensoni. Amalangulushi abo aba pafintu ifyapanonshi epela.

Filipi 3:19 Referans Kwoze

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

Kolose 3:2

Bikeni imitima yenu pafintu ifili mumulu, tepafintupo ifyamuno chalo iyowo.

2 Petulo 2:1

Nomba pali abasoseshi ababufi pakati kabena Isilaeli. Echo napali mwebo pakuboneka bakasambisha ababufi. Bakwinjisha mubumfinsolo ifyakusambisha ifyabufi ifyonaula, bakukana na Bashikulu kumo bo ababapulwishe. Echo bakwiletela ubonaushi.

2 Kolinto 11:15

Echo techakushimbwishapo kati mwabona abapyungi bakwa Satana bakoyifungushanya nokuboneka kubati bapyungi babulungami. Kumupwilo bakwisa kupokelela ukulingana nefyo bachitile.

2 Kolinto 11:12

Ifyo nkochita nomba nakutwalilila, ukwebati ababufi bekwatilapo apakuyitakishishapo, elo basose ati nabo bakopyunga umulimo ukulingana nafwe.

2 Petulo 2:13

Bakonaulwa ukulingana nokubipa kwabo. Ichibawamina kusekesha imibili yabo akasuba konse. Nibamwansha nsoni, abali kubati fisemba ifikowesha. Pakuba ulo balya pamo nenu balasekelela mukuchita ifyabufi.

Galatiya 6:13

Nangu nimbalya abafwaya ukushilimunwa tabalamapo Amafunde. Bakofwaya bwaka ukuti mwebo mushilimunwe ukwebati bayitakishe pakushilimunwa kwenu.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

1 Kolinto 3:3

Muchili abantu bwaka. Pali mwe pachili umufimbila nefitala. Napo mfi tafikomushininapo ukwebati muchili abantunse? Napo tamukoyikalapo nga bantu bapanonshi

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.

Yuda 1:16

Abantu mba lonse balayilishanya nokubepesha bambi. Bakonka bwaka mufyabipa ifyo bakofwaya benka. Balasosa ifyakuyisalula benka. Elo balapoka ububoni mubuchenjeshi.

2 Timoti 3:4

Bakuba ababufi, abashisakamana kufitinya, abakuyitutumuna, abafwaya ukuyisekesha munshila yakusekesha Lesa.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

2 Tesalonika 2:12

Elo bakwisa kwipayikwa bonse abatachetekela ichine, bo abachita ifipile.

Filipi 2:21

Bambi bonse baposako amano pafintu ifikowamina bo, tepo ifiwamina Yesu Klistu.

1 Kolinto 5:6

Ukuyitutumuna kwenu takuwemepo! Napo tamwayishibapo insoselo iyakuti, “Utwamimena utuche tututumuna ichamufuba chonse.”?

1 Kolinto 5:2

Nga kuti mwayitutumuna shani? Mulingile ukumfwa insoni mwebene nokutamfya pakati kenu uukochita mfi.

Ukufisulula 19:20

Ichiswango nchilya chalikakilwe pamo nabasoseshi ababufi abachitile ifintu ifikulu pamenso akwe. (Ukupitila mufintu ifyafiso ifikulu mfi achitile, alibepele abantu abo abakwete ichishibilo ichachiswango nambalya abalombele ichimpasho ichachiswango.) Ichiswango nabasoseshi ababufi baliposelwe abomi muli bemba wamulilo uwalikwaka nasilubale.

Yemusi 4:16

Kubati ifyo chili nomba, mulayikusha nokwitakisha. Ukuyikusha konse ukwa mfi kubi.

2 Tesalonika 2:8

Elo nomba nji mbifi yakufisululwa. Nomba Bashikulu Yesu bakumwipaya nomupu uufuma mukanwa kabo. Bakumonaula nokuboneka kwabo ukwabuta ulo bakwisa.

Luka 18:4

Kunshita iitali kapingula ngulya alikukana ukupingula. Elo panuma mumutima wakwe asosele ati, ‘Nangu ntakomutinapo Lesa nangu ukuchinshika umuntu,

Luka 16:19

“Kwalipo umuntu umusambashi uwalikufwala amalaya ayamutengo. Ali nenjikalo iyakuyisekesha nokulya ifiweme munshiku shonse.

Luka 12:19

Elo nakuyisosha nati, Nalishuka! Nalikwata ifintu ifinji ifiweme ifingafwayikwa kuli nebo mumyaka iyinji. Ati ubune kuli ne! Nomba nakuyilemena, nakulya, nakunwa nakambi nakusekelela!’

Mateyo 25:41

“Elo akweba abakuba kuchipiko ati, ‘Fumeni mpa, mwe bashama. Kamuya mumulilo uutashimapo uwo Lesa apekanishishe Satana nabangelo bakwe.

Mateyo 16:23

Nomba Yesu alyalukile nokwebaula Simoni Petulo ati, “Fuma mpa Satana! Pantu ifyo ukolanguluka tefyaku Lesa iyowo, kuntu fyabuntu.”

Ukufisulula 18:7

Mumuchushe nokumumfwisha insoni ukwinekantu, kubati nimulya alitondayishe nokwisekesha. Pakuti mumutima wakwe alayisosha ati, ‘Epondi nebo namfumu. Tenepo mukamfwilwa, elo takupo akasuba nakwikala nkumba-bulili iyowo.’

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Loma 6:21

Mba findo mwasangilemo mukuchita ifintu ifyamwansha insoni nomba? Nachine icho mwalikusangamo nimfwa.

2 Tesalonika 1:9

Ukulandulwa kwabo kwakuti bakonaulwa umuyayaya. Tabakabonepo ichinso chaku Bashikulu nangu ubuleme bwabo nakambi iyowo.

Yuda 1:10

Nomba mba bantu bapontela bwaka ifintu ifyo batayishibapo nomo filolele. Ifyo bayishiba fintu beshibile mumusango wanama ishitakwata mano, nakambi mfi fintu efikobonaula.