Filipi 3:18 - Chipangano Chabwangu

¹⁸ Nali kumweba nchi libili-libili. Elo nomba nkobwekeshapo nemisonshi, ekobali bambi imyendele yabo ibalenga ukuba ifipondo fyamutashi waku Klistu.

Filipi 3:18 Referans Kwoze

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Galatiya 6:12

Abantu bonse abakofwaya ukuboneka abaweme pamenso yabantu, bakomukakatisha ukuti mushilimunwe. Icho bafwaya chimo bwaka, ukuti bechushikwapo pamulandu wamutashi waku Klistu.

Galatiya 2:14

Ulo abwene ukuti tabali kukonka ukusambisha ukwachine ukwa Butumi Bwawama, nalisosele kuli Petulo pachinso chabantu bonse ati, “Webo uli Muyuda, kuntu mubwanalale bobe, walikwikala kubati mwinafyalo. Mba nindo ukopatikisha abenafyalo ukwikala kubati Bayuda?”

Galatiya 1:7

Pakuba tapapo “Ubutumi Bwawama bumbi” iyowo, kuntu kuli bantu bambi abakofwaya ukumufulunganya ukupitila mukusendeka Ubutumi Bwawama ubukososa ifyaku Klistu.

2 Petulo 2:10

Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.

1 Tesalonika 4:6

Pali nchi umuntu uuli onse talingilepo kulufyanya nokubepa umunakwe. Kubati nimfilya twamukonkobeshe kale, Lesa akulandula bonse abakochita mfi.

Filipi 1:4

Lonse ulo mulombelako, ndalomba nokusangalala.

Galatiya 5:21

abalunkumbwa, ukukolwa, buchakolwa nafimbi ifyaba nge mfi. Nkomuchenjeshako nomba ukubati nimfilya nachitile akale, bonse bo abachita mfi fintu tabakapokepo Ubufumu bwaku Lesa.

Galatiya 2:21

Nakana ukusula ubwanshi bwaku Lesa. Nomba nga umuntu apokelelwa uwalungama kuli Lesa mukulama Amafunde, ekwebati Klistu afwile apabwaka.

2 Kolinto 11:29

Ulo umuntu ali uwanaka, nandibo ndaba kubati uwanaka. Ulo umuntu alengwa ukubifya, ndakalipa ukwinekantu.

2 Kolinto 11:13

Abantu mba tebatumwapo abachine, kuntu abapyungi ababufi, abayibepesha nokuboneka kubati batumwa baku Klistu.

2 Kolinto 2:4

Nalimulembele muchakuchula namukunyeka kwamutima nemisonshi. Nshafwayilepo ukumuchusha imitima, sembi ukuti mwishibe ukwebati nalimutemwa ukwinekantu.

1 Kolinto 6:9

Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,

1 Kolinto 1:18

Pakuba amashiwi amfwa yaku Klistu pamutashi aba aabwaka kuli bo abakoluba, kuntu kuli fwe abakopuluka, fiso fyaku Lesa.

Loma 9:2

ulo ndabila ati ndi nechikonko ukwinekantu. Ndomfwa ukufinya umutima pamulandu uwa Bayuda bananji.

Luka 19:41

Ulo Yesu apalamine apepi nomusumba wa Yelusalemu nokuubona, alililile

Yuda 1:13

Elo bapalana kubati matamba apali bemba aafumya ipofu, efyo nabo balanga ububi bwabo. Bali kubati nintandala ishikoselauka bwaka, elo Lesa alibasungila ichifulo ichifitile fititi ichamuyayaya.

2 Tesalonika 3:11

Twasosa mfi pantu twalyumfwa ukuti mukati kenu emobali abanang’ani, tababombapo, kuntu bafwaya ukwinjilila ifyabanabo epela.

Imilimo ya batumwa 20:19

Nalikupyungila Bashikulu mukuyichefya konse neminsoshi, namachushi alikumponena kumulandu wamapange Abayuda.

Galatiya 6:14

Nomba nebo tekuti njitakishepo pakantu akali konse, kuntu pamutashi waku Bashikulu Yesu Klistu. Pakuti balifwa pamutashi, ifyapanonshi kuli nebo fyaba kubati filifwile kale. Elo kufyapanonshi fyenka mfi, ndi kubati wafwa.