Filipi 3:14 - Chipangano Chabwangu

¹⁴ Ndabutukila kuchipimo ichakuchimfyanya ichalubilo ndu ukwebati nkanonke ububoni ubo Lesa akotwitila kumulu muli Klistu Yesu.

Filipi 3:14 Referans Kwoze

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

Hebele 6:1

Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Luka 16:16

“Amafunde akwa Mosesi nefyalembele abasoseshi fyalikupyungilwa ukufikila napanshita Yohane Mubatishi ayishilemo. Ukufumina pali njilya nshita, Ubutumi Bwawama bwaku Lesa bwatatikile ukubilishiwa, nomuntu onse akolwila ukwinjilamo.

Loma 11:29

Pakuti Lesa taulula malangulushi akwe ulo asala nokushukisha umuntu.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.