Filipi 3:12 - Chipangano Chabwangu

¹² Nshikososa ukwebati nalifikapo kale pali mfi nangu ukwebati ndiwalungama kale iyowo. Nomba ndesha ukwebati nkapoke ichilambu icho Klistu Yesu achimfishe kale ukuti mbe uwakwe.

Filipi 3:12 Referans Kwoze

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Filipi 3:16

Nangu chibe shani, twikatishe ifintu ifyo twanonka kale.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

Yemusi 3:2

Pakuti bonse tulabifya mufintu ifinji. Nga umuntu tabifyapo mukusosa kwakwe, ekwebati ali uwalungama ukufikapo. Elo kuti asunga umubili wakwe onse.

Hebele 12:14

Esheni ukwikala nobumi bwabuta nabantu bonse munshila iilungeme, pakuti tapapo nangu umo uwakubona Bashikulu nga talungeme.

Galatiya 5:17

Pakuba ifyo ubuntunse bwesu bufwaya nefyo Umupashi Wabuta ufwaya fyalipusana. Mfi fibili fyalipatana ichakuti tekuti muchite ifiweme ifyo mufwaya ukuchita.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

Efeso 4:12

Achitile mfi ukuti apekanishishe kabela abantu baku Lesa ukuti babombe umulimo nokwimaka ichilonganino icho ichili mubili waku Klistu.

2 Kolinto 13:9

Tulasekelela ulo tuli abanaka, ulo mwebo muli abafiso. Icho tukolomba Lesa chakuti mube abapwililika ukufikapo.

1 Kolinto 13:10

nomba ulo ichafikapo chakwisa, ichitafikapo chakuluba.

1 Tesalonika 5:15

Boneni ukuti tapapo nangu umo ukobwekesha ububi pabubi. Lonse mulokufwaya ukuchita ifiweme kubanenu, elo nakubantu bonse.

1 Timoti 6:19

Muli nji nshila emo bakuyimakila umufula ukosele pakuyipekanishisha ifikoyisa ukuti bakapokelele ubumi ubwinenene.

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

Hebele 12:23

Mwafika kuchilonganino ichansansa uko balongene abana baku Lesa ababeli, bo amashina yabo yalembwa kumulu. Mwafika kuli Lesa kapingula wabantu bonse, ukwaba imipashi yabantu abo Lesa alungamikile nakambi bali abafikapo.

Mateyo 5:48

Echo mube ababuta kubati nimfilya Bawishinwe bakumulu baba ababuta.

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,