Filipi 3:10 - Chipangano Chabwangu

¹⁰ Icho nkofwaya chakuti njishibe Klistu nefiso ifyamubushishe kubafwa. Ng’umfwe amachushi akwe nokubati ni Ye mumfwa yakwe.

Filipi 3:10 Referans Kwoze

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Loma 8:17

Pakuti nomba tuli baku Lesa, twakupokelela ishuko, ina, ishuko ilifuma kuli Lesa. Kati tukochula pakuti tuli abena Klistu, twakupokelela umuchinshi pamo na Ye.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

1 Yohane 2:3

Nga twakonka amafunde aku Lesa, ekwebati twashininkisha ukuti tulimwishibile.

Kolose 3:1

Kati mwebo mwalibushikwa kubafwa pamo na Klistu, kanshi bikeni imitima yenu pafintu ifyamumulu, umo Klistu ekala pamupando wabufumu kulubali lwakumulyo lwaku Lesa.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

2 Kolinto 1:5

Pakuti tulomfwa ukufinya ukwinekantu pamo na Klistu, munshila imo yenka, Klistu akutwafwilisha ukuchilapo.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

2 Kolinto 13:4

Aali wanaka ulo balikumutanika pamutashi, kuntu nomba ali nobumi mufiso fyaku Lesa. Nafwebo tuli abanaka muli Ye, kuntu twakuba abomi pamo na Ye mufiso fyaku Lesa, ulo twakupyunga pakati kenu.

1 Yohane 2:5

Lelo uukonka amashiwi akwe engulya ukutemwa kwaku Lesa kwabamo ukwapwililika. Muli nji nshila, emo twishibila ukuti twaba pamo na Lesa.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Ukufisulula 1:18

Nine uyo uuli nobumi. Nalifwile, kuntu nomba ndi nobumi umuyayaya. Ndikwete ifiso pamfwa elo napachalo chabafwa.

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Efeso 4:13

Echo pakupelako bonse twakufika kuli bumo ubo busangwa pakuchetekela nokwishiba Umwana waku Lesa. Elo twakwimakana ndi nokuba nobwikashi ubwafikapo ubwaku Klistu.

2 Kolinto 1:10

Ye ewatupulwishe kumachushi aya mfi angatuletela imfwa, elo akutupulusha nakambi. Pali ye twashintililapo ichichetekelo ichakuti akutupulusha nakambi.

Yohane 10:18

Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Mateyo 20:23

Yesu alibasukile ati, “Nachine mwakwisa kunwako kulukombo lwanji, nomba tanshikwetepo insambu ishakusuminisha abakwikala kukuboko kwanji ukwamulyo nangula ukwakuchipiko. Ni Bata ebakupela ififulo kuli bo abo bapekanishishe.”

Loma 8:36

Amalembo Apatulika asosa ati, “Pamulandu waku mwebo, bakopinga ukutwipaya inshiku shonse. Bakotubona kubati nimbelele isho bakotwala mukwipaya.”

Galatiya 6:17

Ukufuma nomba kwibapo umuntu uwakunchushapo, pakuti imikofu ndinayo pamubili wanji ilanga ukuti ndimusha waku Yesu.

2 Petulo 1:13

Nkolanguluka ukwebati chintu ichiweme ukumwibukishako mfi fintu ulo nchili nobumi mumubili nguno.