Filipi 2:8 - Chipangano Chabwangu

⁸ Klistu aliichefeshe nokuba uwachumfwila ukufikila kumfwa, ina, kumfwa yakwe iyapamutashi.

Filipi 2:8 Referans Kwoze

Yohane 10:18

Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Loma 5:19

Elo kubati nimfilya umuntu umo taumfwile nokuleta ububi pabantu bonse, emo nokufwa kwamuntu umo kwalenga ukuti abantu bonse bapokelelwe nga abalungama.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Mateyo 26:39

Ulo Yesu aendeleko panini akatalamukila awile panshi ubwifuneme, nokulomba ati, “Bata, kati kuti chalinga, fumyenipo ndu lunkombo ulwabuchushi. Nangu chibe mfi, kwiba kubati kufwaya kwanji iyowo, kuntu ukufwaya kwenu eko kuchitike.”

Imilimo ya batumwa 8:33

Balimusulile, elo nomulandu wakwe tawapingwilwepo mubulungami. Tapakabepo nomuntu uwakulondolola ifyabana bakwe panonshi, pantu baputukisha ubumi bwakwe panonshi.”

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Yohane 14:31

Ichalo chikowamina ukwishiba ukuti nebo nalitemwa Bata, echo nchitila ifintu fyonse ukulingana nomo bansambishisha. “Imeni nomba, tulokuya.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Mateyo 26:42

Yesu alibwelelemo umuku wachibili, aya mukulomba ati, “Bata kati ulunkombo ndu ulwamachushi talwafumepo pali nebo, chiteni ukufwaya kwenu.”

Mateyo 17:2

Elo asangukile pamenso abo. Impumi yakwe yalikubengeshima kubati kasuba, amalaya akwe alikubeka nokubutisha tuutu.

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Luka 9:29

Penkapo ali mukulomba, ichinso chakwe chalisangukile, amalaya akwe alikubeka nokubutisha tuutu.

Hebele 12:4

Pakulwishanya nobubi, tamulafikapo apakwipayilwapo.