Filipi 2:7 - Chipangano Chabwangu

⁷ Alekele fyonse nokuba umusha, ulo ayishile kuba umo pakati kesu.

Filipi 2:7 Referans Kwoze

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Galatiya 4:4

Ulo inshita yafikile, Lesa alitumine umwana wakwe. Umwana ngu afyelwe kumwanakashi, afyelwe uwalingile ukulama amafunde.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.

Loma 15:3

Pakuti Klistu tayisekeshepo umwine enka, kuntu ukubati nimfilya Amalembo asosa ati, “Amashiwi yamusalula ayo balikukusalula ayisa pali nebo.”

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Luka 22:27

Mba umukulu ninani, uwikala panshi nokulya nangula uyo uukobapyungila? Chakwebesha, ningulya uwikala panshi nokulya. Nomba nebo ndi mukati kenu ukubati mupyungi.

Loma 15:8

Nachine nkomweba ati, Klistu aalukile umupyungi wa Bayuda ukulanga ukuti Lesa wachishinka. Mukuchita mfi alilangile ichine chafilayano fyaku Lesa ifyo apangile nefikolwe fyesu,

Filipi 2:6

Ye ali nobu Lesa, kuntu tayeseshe ukuti ukulingana na Lesa chintu angayikatilila.

Mateyo 12:18

“Ngu emubomfi wanji uwo nasala uwo natemwesha. Elo muli ye ndasekelela. Nakumupela Umupashi wanji, elo naye akubilisha ifyabupingushi bwanji kunko shonse.

Hebele 13:3

Mulokwibukisha abali muchifungo, kubati mukochulila pamo nabo. Mulokwibukisha abakochula, kubati mukochulila pamo nabo.

Loma 1:3

Busosa ifya Mwana wakwe, Bashikulu wesu Yesu Klistu. Ukusosa ifyabuntu bwakwe, afyalilwe muchikoto chamfumu Davide.

Maliko 9:12

Yesu alibasukile ati, “Nachine Eliya ewakubalilapo ukwisa mukuwamya ifintu fyonse. Nga nomba mulandu ndo chasoselwa mu Malembo ati, Umwana wa Muntu ali nokuchula ukwinekantu nokukakwa?

2 Kolinto 13:4

Aali wanaka ulo balikumutanika pamutashi, kuntu nomba ali nobumi mufiso fyaku Lesa. Nafwebo tuli abanaka muli Ye, kuntu twakuba abomi pamo na Ye mufiso fyaku Lesa, ulo twakupyunga pakati kenu.