Filipi 2:3 - Chipangano Chabwangu

³ Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.

Filipi 2:3 Referans Kwoze

Loma 12:10

Mutemwane ukwinekantu mubuwenu. Mupelane umuchinshi.

Galatiya 5:26

Tatulingilepo ukuyikusha, nangula ukukalifyanya, nangula ukuba nomufimbila.

Efeso 5:21

Pakuti mulatina Klistu, mulokumfwana umo nomunakwe.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

1 Petulo 5:5

Namwebo mwe balumbwana mulokumfwila abakulu. Elo bonse mube abayipekanya ukupyungilana mukuyichefya. Amalembo asosa ati, “Lesa alatalika abayikusha, kuntu alapela ubwanshi kubayichefya.”

Filipi 2:14

Chiteni fyonse ukwambula ukuyilishanya nangu ifitala,

Galatiya 5:15

Nomba nga mukochushanya kubati ninama ishamumpanga, muchenjele ukwebati mwikayonaula mwenka.

1 Timoti 6:4

Umuntu uwamfi teshibilepo akantu, kuntu umutima ufwaya bwaka ifyakutalikishanya pafintu ifyabwaka. Mfi fyonse fileta bwaka akalumwa ifitala, umusalula, ukulangulukila ifibi pabantu,

Luka 18:14

Yesu asosele ati, ‘Nachine nkomweba ati, ngu uwamusonko abwelele kunanda yakwe uwanakililwa ukuchila umunakwe! Pakuti onse uukoyikusha akuchefekwa, kuntu uyo uwichefya akusumbukwa.’”

Kolose 3:8

Nomba namwe muleke ukuchita mfi fintu fyonse: ubukali, ichipyu, umufulo, imiponto nensele. Fyonse mfi tafilingilepo ukufuma mutunwa twenu.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

1 Kolinto 3:3

Muchili abantu bwaka. Pali mwe pachili umufimbila nefitala. Napo mfi tafikomushininapo ukwebati muchili abantunse? Napo tamukoyikalapo nga bantu bapanonshi

1 Kolinto 15:9

Pakuba ndi umunono pabatumwa bonse. Tanshilingilepo nokwitwa umutumwa pakuti nalikuchusha ichilonganino chaku Lesa.

Loma 13:13

Tulokwenda nga bantu abali mukasuba. Kwibapo bukabundulu nangu buchakolwa, ubulale-lale nangu bumbifi, ulubuli nangu umufimbila.

Loma 2:8

Nomba bonse abafitala, abatomfwilapo nokuchita ifitalungama, Lesa akubapela umulandu mubukali bwakwe.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.