Filipi 2:12 - Chipangano Chabwangu

¹² Nomba mwe batemwekwa banji, kubati nimfilya mwali abanakila ulo nali namwe, nomba beni abachumfwila ukuchilapo apo tanshili namwebo. Echo bombeni mukufikilisha chipulusho chenu mukutina namukututuma.

Filipi 2:12 Referans Kwoze

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

Hebele 4:11

Tweshe nomba ukupokelela ukutusha nku, ukutina ukuti nalimo umo kuti afilwa ukwinjila mukutusha nku pamulandu wakutachetekela.

1 Petulo 2:11

Mwe batemwekwa, pakuti muli abalwendo panonshi, nkomupapata talamukeniko kufyalunkumbwa ulwamubili ifyo ifilwa namwe.

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Hebele 4:1

Ubulayo bwaku Lesa ubwakuti tukaya mukutusha uko atupekanishisha, epo kwaba. Nomba tuchenjele ukuti kwibapo umbi muli mwebo uukafilwa ukwinjilamo.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

Filipi 4:1

Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

2 Kolinto 7:15

Ukuchilapo Taitasi akosekelela ukwinekantu ulo ebukisha ifyo mwaumfwile amashiwi anji, nefyo mwamupokelele mumwenso nokututuma.

1 Kolinto 2:3

Ulo nayishile kuli mwe nali uwabunake nakambi uwatutuma ukwinekantu nomwenso.

Efeso 6:5

Mwe basha, mulokumfwila bashikulu wenu abapanonshi mumwenso namukututuma. Chiteni mfi nemitima iyachine, kubati mukochitila Klistu.

Mateyo 11:12

Ukutatikila kunshita shakwa Yohane Mubatishi nokufika nduno, abantu balalwisha ubufumu bwakumulu, elo balesha ukubupoka kufiso.

Filipi 1:5

Nkomutotela pakwikatana pamo nane mukungafwilishako ukubilisha Ubutumi Bwawama ukufuma pakutatika ukufika nanduno.

Imilimo ya batumwa 9:6

Ima uye kumusumba ngu. Kwenka nku bakukushimikila fyonse ifyo ulingile ukuchita.”

Filipi 2:19

Nga kufwaya kwaku Bashikulu Yesu, nkochetekela ukwebati bwangu-bwangu nakumutuma Timoti kuli mwe, ukuti umutima wanji wikale shilili ulo nakumfwa ifyaku mwebo.

1 Kolinto 4:14

Tanshikomulembelapo mfi ukumwansha insoni, kuntu ukuti muchenjesheko bwaka pakuti muli bana banji abatemwekwa.

Filipi 4:15

Mwe abena Filipi, mwalishiba mwenka ukuti ulo nafumine ku Masedoniya, inshiku ishakutatika mukubilisha Ubutumi Bwawama, tapalipo ichilonganino nangu chimo ichalikungafwilishako mukulipila nangu mukupoka, kuntu mwebo mwenka.

Imilimo ya batumwa 16:29

Naye malonda ayitile abakuleta umwenje. Bwangu-bwangu ayinjile mukati nokuwila pamakasa akwa Paulo na Sailasi.

Filipi 1:6

Echo ndishibile ukwebati Lesa uwatatikile umulimo uuweme ngu muli mwe, akutwalila ukufika ukashile pakasuba ulo Klistu Yesu akubwela.