Filipi 1:7 - Chipangano Chabwangu

⁷ Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Filipi 1:7 Referans Kwoze

2 Kolinto 7:3

Nshikososapo mfi ukwebati musangwe abamulandu. Kubati ifyo nsosele kale, mwebo mwaba mumitima yesu nangu kumfwa nangu kubumi.

Filipi 1:5

Nkomutotela pakwikatana pamo nane mukungafwilishako ukubilisha Ubutumi Bwawama ukufuma pakutatika ukufika nanduno.

2 Timoti 2:9

Pamulandu Wabutumi mbu ndachushiwa nokukakwa iminyololo kubati ningulya bapela umulandu. Nomba amashiwi aku Lesa tekutipo akakwepo iyowo.

Kolose 4:18

Nine Paulo nalemba nokuboko kwanji nkoti, Mutende. Mulokwibukisha ukuti nalikakwa. Ubwanshi bwaku Lesa bube kuli mwebo bonse.

Filipi 4:14

Nangu chibe mfi, mwalichita bwino ukungafwilishako mumachushi anji.

Efeso 6:20

Nangu ndimuchifungo, kuntu ndimutumwa wa Butumi Bwawama mbu. Munombele ukuti nsose mukushipa nga umo ningile ukusosa.

Efeso 3:1

Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.

Imilimo ya batumwa 20:23

Nomba icho njishibile bwaka chakuti mumishi yonse umo mpitana, Umupashi Wabuta ulanchenjesha ukuti ichifungo namachushi fikonindila.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

2 Petulo 1:13

Nkolanguluka ukwebati chintu ichiweme ukumwibukishako mfi fintu ulo nchili nobumi mumubili nguno.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

1 Tesalonika 5:5

Pakuti mwebo muli bantu bamulubuto, abamukasuba. Tamuli bamumfinshi, abamubushiku iyowo.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

2 Kolinto 3:2

Kalata yakutuchitila bukamboni nimwebo. Yalembele mumitima yesu ukwebati abantu bonse bayishibe nokwipenda.

1 Kolinto 13:7

Ukutemwa kulelela fyonse, kulachetekela inshita shonse, kulalindilila, elo kulashipikisha.

1 Kolinto 9:23

Fyonse mfi ndafichita pamulandu wa Ubutumi Bwawama ukuti nandibo mpokelele nabo ishuko ilya Butumi mbu

Imilimo ya batumwa 21:33

Penkapo umukulu wabashilikali ayile kuli Paulo nokumwikata. Elo amukakile iminyololo ibili. Nomba umukulu ngulya afumbile ati, “Ngoyu muntu ninani, nakambi chindo achitile?”

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

Filipi 1:12

Bawesu, nkofwaya ukuti mwishibe ukwebati ifyanchitikile fyalingafwilishako ukutanda Ubutumi Bwawama.

Filipi 1:13

Echo abashilikali bonse abalonda inanda yamfumu, nabambi bonse abali nkuno, balishibile ati ndimuchifungo pamulandu waku Klistu.

Filipi 1:14

Nomba pamulandu wakuti ndimuchifungo, bawesu abenji balishipile imitima ukuchetekela kale muli Bashikulu, elo bakobilisha Amashiwi aku Lesa ukwambula umwenso.

Filipi 2:22

Pakuba mwalishiba ukuti imikalile yakwa Timoti yaba kale apatubile iiweme. Kubati ifyo umwana abomba nabawishi, naye twaliketene pamo mukutanda Ubutumi Bwawama.

Filipi 4:3

Elo nkokupapata nawebo, wemunanji umwinenene pamulimo wesu ngu ukuti ubafwilisheko abanakashi mba. Pakuba balibombele ukwinekantu pamo nandibo mukutanda Ubutumi Bwawama. Elo babombele na Kilementi pamo nababomfi bananji bambi abali namashina aabo aalembelwe mwibuku lyabumi.

Filipi 4:15

Mwe abena Filipi, mwalishiba mwenka ukuti ulo nafumine ku Masedoniya, inshiku ishakutatika mukubilisha Ubutumi Bwawama, tapalipo ichilonganino nangu chimo ichalikungafwilishako mukulipila nangu mukupoka, kuntu mwebo mwenka.

Filimoni 1:13

Nalikufwaya ukwebati tulokwikala nakwe nkuno ulo nchili muchifungo pamulandu wakubilisha Ubutumi Bwawama, pantu eukongafwilishako muchifulo chobe.