Filipi 1:21 - Chipangano Chabwangu

²¹ Kuli nebo ubumi ni Klistu, elo imfwa bunonshi.

Filipi 1:21 Referans Kwoze

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

2 Kolinto 5:8

Ina, tukoshipikisha, nomba icho tufwayisha chakuti tufume mumubili nguno nokuba nowaku Bashikulu.

2 Kolinto 5:1

Imibili iyo tuli nayo ili kubati lusasa bwaka. Nomba tulishibile ukwebati ulo ulusasa ndu lwakonayika, twakuba munanda iyo Lesa alitupekanishisha kumulu. Inanda nji tayayimakilwepo neminwe yabantu, elo yamuyayaya.

Filipi 1:23

Natanganikwa. Nkofwaya ukufuma muli nchino chalo nokuya kwikala pamo na Klistu pakuba nchi echingansekesha ukwinekantu.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

2 Kolinto 5:6

Echo fwe bonse tulashipikisha. Elo twalishiba ukuti inshita yonse twikala mumubili kubati kwesu, ekwebati tuli ukutali na Bashikulu.

Filipi 1:20

Echo nkopembela mukuchetekela nomutima onse ukwebati nshakomfwepo insoni iyowo. Nangu ndinobumi nangu nafwa, lonse nkofwaya ukuba uwashipa nokuleta umuchinshi kuli Klistu.

Ukufisulula 14:13

Elo naumfwile ishiwi ukufuma kumulu ilikoti, “Lemba ukuti, Balishuka abantu abakwisa fwa mukupyungila Bashikulu ukufuma nomba!” Umupashi Wabuta walyaswike ati, “Ina, bamfumu! Bakutusha kumilimo yabo pakuti imilimo iyo bapyungile yakubakonka.”

Galatiya 6:14

Nomba nebo tekuti njitakishepo pakantu akali konse, kuntu pamutashi waku Bashikulu Yesu Klistu. Pakuti balifwa pamutashi, ifyapanonshi kuli nebo fyaba kubati filifwile kale. Elo kufyapanonshi fyenka mfi, ndi kubati wafwa.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Filipi 2:21

Bambi bonse baposako amano pafintu ifikowamina bo, tepo ifiwamina Yesu Klistu.

1 Kolinto 3:22

Paulo, Apolosi na Petulo, ichalo, ubumi nemfwa, fyonse ifilipo nafyonse ifikoyisa. Fyonse mfi fyenu,

Filipi 1:22

Nomba nga ukuba nobumi kuti nakwata ishuko lyakubomba imilimo yakubwenesha ifitwalo, kanshi nshinshibilepo ichakusalapo.