Filipi 1:20 - Chipangano Chabwangu

²⁰ Echo nkopembela mukuchetekela nomutima onse ukwebati nshakomfwepo insoni iyowo. Nangu ndinobumi nangu nafwa, lonse nkofwaya ukuba uwashipa nokuleta umuchinshi kuli Klistu.

Filipi 1:20 Referans Kwoze

1 Petulo 4:16

Nomba nga mukochula pakuti muli bena Klistu, mwiumfwapo nsoni, kuntu muchinshike Lesa pamulandu weshina lyenu.

1 Kolinto 6:20

Lesa alimushitile pamutengo uukulu. Echo muchinshike Lesa nemibili yenu.

1 Tesalonika 5:23

Lesa umwine, uutupela umutende, amulenge ukuba abantu bakwe abenenene. Amulenge abafikapo mumupashi, mumitima nakambi mumibili yenu ukuti mwikaba nakalema ulo bakwisa Bashikulu Yesu Klistu.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

Filipi 2:17

Nalimo umulopa wanji wakwitilwa kubati chipupo ichipelwa nechichetekelo chenu kuli Lesa. Kati efyo chili, nkosangalala, elo nakusangalala pamo namwebo bonse.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

2 Kolinto 10:8

Nangu nachilapo panini ukuyitutumuna pamulandu wansambu isho Bashikulu batupele ishakuti tumukoseleshe, tekumonaulapo, tatwaumfwepo insoni.

2 Kolinto 4:10

Inshita shonse twenda nemfwa yaku Yesu mumibili yesu ukwebati ubumi bwakwe buboneke mumibili yesu.

1 Kolinto 7:34

Echo ekata kubili. Umwanakashi uutaupwa nangu uutayishibapo umwalalume, alapamfiwa ifyaku Bashikulu, ifyo angayipela kuli bo kumubili nakumupashi. Nomba umwanakashi uwaupwa alapamfiwa nefintu ifyapanonshi, ukulanguluka ifyo angasekesha umulume wakwe.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Filipi 1:14

Nomba pamulandu wakuti ndimuchifungo, bawesu abenji balishipile imitima ukuchetekela kale muli Bashikulu, elo bakobilisha Amashiwi aku Lesa ukwambula umwenso.

2 Kolinto 7:14

Nalimwebele ati ndayitutumuna pali mwe pamulandu wakwa Taitasi, elo tamungumfwisheko insoni. Nomba kubati fyonse ifyo namwebele fyali ifyakwebesha, mumo mwine nokuyitutumuna kwanji kuli mwe pali ye kwali ukwakwebesha.

2 Kolinto 5:15

Afwilile abantu bonse ukwebati abali nobumi beyisekesha abene benka, sembi basekeshe Ye uwabafwilile, elo uwabukile kubafwa pamulandu wabo.

1 Kolinto 15:31

Mwe bawesu, imfwa nebo nyenda nayo akasuba nakasuba! Nkososa mfi pakuti ndayitakisha muli Klistu Yesu Shikulu wesu pamulandu wenu.

Loma 9:33

Elo Amalembo asosa ati, “Boneni nebo nkobika libwe mu Siyoni, ilyo abantu bakuyitutwilako, ilibwe ilyakulenga abantu ukuwa. Nomba uyo uwakuchetekela muli Ye, takesepo kuba nensoni iyowo.”

Loma 6:19

Nimupela ichelusho nchi ichabusha icho mwayishiba ukuti mumfwikishe. Akale mwayipele mwenka ukuba abasha bwafikowesha nobubi bonse. Mushila imo yenka, mwipele nomba ukupyungila Lesa mukuchita ifiweme ifilanga ukuyipelesha kuli Ye.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Imilimo ya batumwa 21:13

Nomba Paulo ayasukile ati, “Chindo mukochita mwebo pakuyilishanya mfi nokutomposha umutima wanji? Nebo ndiyipekenye kale, tekukakwapo kwenka mu Yelusalemu iyowo, kuntu nokufwa pamulandu waku Bashikulu Yesu.”

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Yohane 21:19

Mukusosa mfi, Yesu alikumusontela inshila iyo Petulo akufwilamo ukuleta umuchinshi kuli Lesa.) Ulo Yesu asosele mfi, amwebele ati, “Nkonka.”

Imilimo ya batumwa 4:31

Ati bapwe ukulomba, pachifulo apo balongene patatikile ukutenta. Elo bonse bayiwile no Mupashi Wabuta, batatika nokusosa amashiwi aku Lesa ukwambula ukutina.

2 Kolinto 3:12

Pakuti tukolindilila mfi, tulashipikisha ukwinekantu.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.