Filipi 1:15 - Chipangano Chabwangu

¹⁵ Chachine, bambi babilisha ifyaku Klistu mubufuba namukutalikishanya. Nomba eko bali bambi abakobilisha nomutima wakwebesha.

Filipi 1:15 Referans Kwoze

Filipi 2:3

Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.

2 Kolinto 11:13

Abantu mba tebatumwapo abachine, kuntu abapyungi ababufi, abayibepesha nokuboneka kubati batumwa baku Klistu.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

2 Kolinto 1:19

Yesu Klistu, Umwana waku Lesa, uwo nebo, Sailasi na Timoti twamusambishe, taali “Ina” nangu “Iyowo” panshita imo, nomba inshita yonse aali “Ina” waku Lesa.

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

1 Kolinto 13:3

Nangu ningapela abachula ububoni bwanji bonse, nangu ukupela umubili ukuti bawoche, nga nshikwetepo ukutemwa, tapapo akanji.

1 Kolinto 1:23

Nomba fwebo tulasambisha ifyaku Klistu uwo basamikile pamutashi. Ku Bayuda amashiwi nga akuyituntulako, kuntu kubenafyalo aapuneme.

Imilimo ya batumwa 11:20

Nomba bambi pali mba, abalalume bafumine ku Saipulasi naku Kuleni, bayile ku Antiyoki, balikubilisha Ubutumi Bwawama bwaku Bashikulu Yesu kubenafyalo.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 9:20

Penkapo atatikile nokubilisha mumananda yaku Lesa ukuti Yesu e Mwana waku Lesa.

Imilimo ya batumwa 8:35

Filipo atatikile ukusosa mashiwi enka awo chilolo alikupenda. Amushimikile Ubutumi Bwawama ubwaku Yesu.

Imilimo ya batumwa 5:42

Elo inshiku shonse abatumwa balikusambisha nokushimika Ubutumi Bwawama munanda yaku Lesa namumananda yabantu ukuti Yesu e Wasubwa waku Lesa.

Imilimo ya batumwa 8:5

Filipo ayile kumusumba uukulu waku Samaliya, nokubashimikila ifya Wasubwa waku Lesa.

Loma 2:8

Nomba bonse abafitala, abatomfwilapo nokuchita ifitalungama, Lesa akubapela umulandu mubukali bwakwe.