Filipi 1:14 - Chipangano Chabwangu

¹⁴ Nomba pamulandu wakuti ndimuchifungo, bawesu abenji balishipile imitima ukuchetekela kale muli Bashikulu, elo bakobilisha Amashiwi aku Lesa ukwambula umwenso.

Filipi 1:14 Referans Kwoze

1 Tesalonika 2:2

Mulishibile ifyo batuchushishe nokututukaula kubantu baku Filipi ulo tatulayisa ku Tesalonika. Nangu chali mfilya, kwali ukupusana ukwinekantu, na Lesa wesu alitukoseleshe ukuti tubilishe Ubutumi Bwawama ubwafuma kuli Ye.

Luka 1:74

ukuti atupokolole kufiso fyatupondo twesu, nokumupyungila ukwambula umwenso.

Kolose 4:4

Echo mulokulomba pakuti ndokufisulula ichamfiso chaku Klistu munshila iilungeme, umo ningile ukusosela.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Kolose 4:7

Wesu uwatemwekwa Tikikasi, umupyungi uwachetekelwa, nakambi umupyungi munanji mumilimo ya Bashikulu, eukoyisa kumushimikilako fyonse ifyapamulandu wanji.

Filipi 4:1

Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

Efeso 3:13

Echo nkomupapata ukwebati mwinakapo imitima pamulandu wakuti nkomuchulila. Pakuba nku kuchula buchindami bwenu.

2 Kolinto 3:12

Pakuti tukolindilila mfi, tulashipikisha ukwinekantu.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

Filipi 1:20

Echo nkopembela mukuchetekela nomutima onse ukwebati nshakomfwepo insoni iyowo. Nangu ndinobumi nangu nafwa, lonse nkofwaya ukuba uwashipa nokuleta umuchinshi kuli Klistu.

2 Timoti 2:9

Pamulandu Wabutumi mbu ndachushiwa nokukakwa iminyololo kubati ningulya bapela umulandu. Nomba amashiwi aku Lesa tekutipo akakwepo iyowo.

Maliko 3:3

Epo asosele kumuntu uwali nechisansa ichauminina ati, “Ima, isa nkuno kuntanshi.”