Efeso 5:9 - Chipangano Chabwangu

⁹ Pakuba apali ukusanika pasangwapo ubune, ubulungami nefyachine fyonse.

Efeso 5:9 Referans Kwoze

3 Yohane 1:11

We mutemwekwa, wilatentekapo ifibi, kuntu ifiweme. Onse uuchita ifiweme, ena mwana waku Lesa, kuntu ukochita ifibipile tamubonapo Lesa.

Loma 15:14

Mwe bawesu, nalishininkisha ukwebati mulikwete ubumi ubuweme, mulishibile fyonse ifisuma nokusambishanya.

Efeso 6:14

Echo mwimakane ndi, mufwale ichine kubati mushipi mumusana wenu. Fwaleni ubulungami kubati ilaya lyachela pachifuba chenu.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

Hebele 11:33

Nechichetekelo chabo, abantu mba balichimfishe ifyalo fyonse, nokuchita ubulungami. Elo balipokelele ifyo Lesa abalayile. Bayisele imilomo yankalamo.

Efeso 4:15

Ekuti pakusosa ichine nomutima wakutemwa, twakukula pali fyonse muli Klistu. Ye emutwi wesu,

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Hebele 1:8

Nomba pafya Mwana wakwe Lesa asosele ati, “Mwe Lesa, umupando wenu wabufumu wakubelelela lonse mubufumu bwenu mulapingula mubulungami.

Efeso 4:25

Echo lekeni ukubepa. Uuli onse asose ifyachine kumunakwe pakuti bonse tuli ifilewa ifyamubili waku Yesu.

Yohane 1:47

Ulo Yesu abwene Natanayeli akoyisa kuli Ye, asosele nefya kungulya ati, “Ngu mwina Isilaeli mwinenene, muli ye tamupo ubuchenjeshi!”

Mateyo 3:8

Chiteni ifintu ifyakulanga ukupilibuka kwamitima yenu.

Kolose 3:18

Mwe banakashi, mulokunakila abalume benu pantu efyo mulingile ukuchita nga abena Klistu.