Efeso 5:4 - Chipangano Chabwangu

⁴ Elo mwisosapo ifipuneme nangu ifitakwetepo akantu, kuntu mulokusosa bwaka ifyakutondayisha Lesa.

Efeso 5:4 Referans Kwoze

Kolose 3:8

Nomba namwe muleke ukuchita mfi fintu fyonse: ubukali, ichipyu, umufulo, imiponto nensele. Fyonse mfi tafilingilepo ukufuma mutunwa twenu.

Efeso 4:29

Mukanwa kenu mwilafumapo amashiwi aali onse aabi, kuntu musose amashiwi aaweme afwilisha ukuti bonse abayomfwa bapindulemo akantu.

1 Tesalonika 5:18

Mulokutotela lonse. Mfi efyo Lesa akofwaya ukuti muchite muli Klistu Yesu.

2 Petulo 2:18

Mba bantu basosa amashiwi ayakuyitutumuna yapuneme aatakwetepo nakantu. Elo mukufunga ifibi ifyabuntunse, balachenjeleka abantu abapulwike bwangu pabanabo abekala mufibi.

Hebele 13:15

Echo katulokutondayisha Lesa muli Yesu. Ukuti abe ichipupo chesu. Ukutotela kwesu kube kubati fitwalo fyabantu abasumina mwishina lyakwe.

Filipi 4:6

Mwilokusakamanapo pachintu nangu chimo iyowo, kuntu mukulomba kwenu konse, mupapate Lesa ukuti amupele ifyo mutakwetepo. Elo inshita shonse mulombe nemitima iyakutotela.

Yuda 1:10

Nomba mba bantu bapontela bwaka ifintu ifyo batayishibapo nomo filolele. Ifyo bayishiba fintu beshibile mumusango wanama ishitakwata mano, nakambi mfi fintu efikobonaula.

2 Kolinto 9:15

Tutondayishe Lesa pachabupe bwakwe ubo tatungasosapo.

Maliko 7:22

ubuchende, ulunkumbwa, nokuchita ifintu ifyabipa, ukuchenjeleka, umufimbila, iminsula, ukuyikusha, nokupunama.

Yuda 1:13

Elo bapalana kubati matamba apali bemba aafumya ipofu, efyo nabo balanga ububi bwabo. Bali kubati nintandala ishikoselauka bwaka, elo Lesa alibasungila ichifulo ichifitile fititi ichamuyayaya.

2 Kolinto 1:11

Mulokutwafwilishako mumapepo enu. Echo abantu abenji bakutondayisha Lesa muchifulo chesu pafyo Ye atuchitile mubwanshi bwakwe.

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

2 Petulo 2:7

Nomba apulwishe Loti umuntu uyo alungamikile, uwachulile mumutima pabwikashi bwabusali ubwabantu abatomfwila Lesa.

Filimoni 1:8

Pakuti niwe wesu muli Klistu, ningakwata insambu yakukwebako icho ulingile ukuchita.

1 Tesalonika 3:9

Nomba kuti twamutotela shani Lesa pamulandu wakumwebo? Nachine tulitemenwe ukwinekantu muli Bashikulu pamulandu wakumwebo.

Efeso 1:16

nshalekapo ukutotela Lesa pamulandu waku mwebo. Ndamwibukisha lonse mukulomba kwanji.

Yohane 6:23

Amato ambi aafumine ku Tibeliyasi, ayishile pachabu apepi napachifulo apo ibumba ilikulu lyalilile imifuba, ulo Bashikulu balombele kuli Lesa.