3 Epo muli bantu baku Lesa, ubulale-lale, ubusali nangula bukabundulu tafilingile nokusoswapo pakati kenu.
Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.
Mwishibe nchi ichakuti umuntu onse uwabuchende nangula uuchita ifyabusali, nangula kabundulu (pakuti bukabundulu chimo nokulambila tungosa wakubasa), takapokelelepo ubufumu bwaku Klistu nobwaku Lesa.
Icho Lesa akofwaya chakuti mube ababuta mumitima yenu. Emukuti mufume kubulale-lale.
Talamukeni kubuchende. Pakuti ukubifya kumbi umuntu achita kwaba kunse yamubili, nomba umuntu uuchita ubuchende, abifya nomubili wakwe kumo.
Pakuti Lesa taatwitilepo ukuti twikale mukubifya iyowo, kuntu mukubuta.
Umbi naye kuti asosa ati, “Ichakulya chamumala, namumala mwachakulya.” Nangu chibe mfi, Lesa wakufyonaula fyonse fibili. Umubili tewakuchitilako ubuchende iyowo, wakubomfiwa mukupyungila Bashikulu. Echo Bashikulu ebene bamubili ngo.
Pakuba chilansha nsoni nokusosa ifintu ifyo bachita mumfinshi.)
Pantu mumutima emufuma amalangulushi aabi: ukwipaya, ubuchende, nokuchita ifintu ifyabipa, ukwiba, ubufi, nokwamba abanabo.
Nalimupele inshita yakuti alapile, nomba tafwayapo ukulapila nokusha ubulale-lale bwakwe.
Twibapo ababulale-lale ukubati nimfilya bambi balikuchita. Elo mukasuba kamo amakana amakumi abili na atatu balifwile.
Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.
Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”
Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.
Chalyumfwika mpanga yonse ukuti pali ubulale-lale pakati kenu ubo nabantunse tekuti bachitepo. Chikoumfwika ukwebati banyika bakoulungana nomwana wakusanga munanda.
Abantu mbalya tabalapilepo nokuleka ukwipaya, ubuloshi, ubulale-lale, elo nabung’o.
Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.
Chenjeleni ukuti kwibapo nangu umo uwakuba uwabulale-lale, nangula abakusuula ifyaku Lesa kubati ni Esau, uyo washitishe ububele bwakwe nechakulya chimo bwaka.
Nkotina ukuti nga nayisa nakambi kuli mwe, Lesa wanji kuti amfwisha nsoni pamenso enu. Elo nande nakulila imisonshi pamulandu waku bo ababifishe kale, elo tabalapile pabusali bachitile: Ubuchende bwabo nefibi fyonse ifyo balikuchita.
Mumibelo imo yenka, eba abanakashi abakulu ukuti balokwikala nobumi ubwaololoka. Bebapo abalwambo nangula abasha kubwalwa, kuntu balokusambisha ifiweme.
Pakuti abantu bakuba abakwitemwa, abatemwa indalama, abakwitutumuna, abamusalula, abansele, abashumfwila abafyashi babo, abashitotela, nakambi abashilomba Lesa.
Tulingile ukubalembela bwaka kalata uwakwebati belokulyako ifitasangululwa ifyo abantu bakopupila tungosa wakubasa nokuti belokuchita ubuchende, belokulyako nenama iyo bapotwele pamukoshi nangula umulopa.
Amenso abo abuchende, abatafwayapo ukuleka ukubifya. Bachenjeleka abanaka imitma. Imitima yabo yayiwula bukabundulu. Bantu abalapishiwa.
Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.
Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.
Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.
Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.
Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.
Nomba bayipele mukupyunga imilimo iiweme pantu mfi efyalinga ukuchita abanakashi abayitunga ukulomba Lesa.
Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.
Mupokeleleni nga umwina Klistu munenu kubati nimulya abantu baku Lesa bapokelela. Mwafwilisheniko ifyo akokabila pakuti ye aafwilishe abantu abenji pamo nandibo.
Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.
Imitima yabo yayiwilemo ubusali bonse: ububi, bukabundulu, imibele iibi, mufimbila, bukepaya, ulubo, ubuchenjeshi nolupato. Balamba,
Tanshakumbwapo indalama nangu fyakufwala fyamuntu nangu umo iyowo.
Ulo Abafalisi baumfwile fyonse mfi, basekulukile Yesu pakuti bena batemenwe indalama.
Pakuti ukutemwa indalama entulo yabubi bonse. Pamulandu wakutemwesha indalama abantu bambi bafumamo munshila iyachichetekelo, elo ifyakufinya ifinji fyabepaya.
Epo Yesu alipitilile ukusosa kuli bonse ati, “Chenjeleni, elo muyitalamushe kufyalunkumbwa fyonse, pantu ubumi bwamuntu tabusangwapo mufintu akwata, nangu abe nobuboni ubwinji.”