Efeso 5:2 - Chipangano Chabwangu

² Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Efeso 5:2 Referans Kwoze

Yohane 13:34

Nomba nkomupela ifunde ilyabwangu ilyakuti mulokutemwana umo nomunakwe. Ukubati nimfilya nebo namutemwa, efyo mulingile ukutemwana.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

2 Kolinto 2:15

Nachine tuli kubati chena ichiweme ichaku Klistu ichiwamina Lesa pali bo abakopuluka nakuli bo abakuloba.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

1 Kolinto 16:14

Fyonse ifyo mukochita, mulokufichitila mukutemwa.

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

1 Yohane 3:16

Mfi efyo twayishibila ukutemwa ifyo kwaba: Klistu apele ubumi bwakwe kuli fwebo. Nafwebo tufwile ukupa ubumi kuli bawesu.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Hebele 9:26

Achiba mfi, Klistu nga alechula inshita ishinji ukufuma apo ichalo chatalilwe. Kuntu nomba aboneka bwaka umuku umo epela panshita iyakupelako, ukuti afute amabifyo ukupitila mukuyipupila umwine.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

Efeso 4:15

Ekuti pakusosa ichine nomutima wakutemwa, twakukula pali fyonse muli Klistu. Ye emutwi wesu,

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Tesalonika 4:9

Ukusosa pafyakutemwana abena Klistu, tanshilingilepo nokumulembela pantu Lesa umwine amusambishe ifyo muli nokutemwana.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.

Hebele 9:23

Pakuti ifipasho ifyakumulu fyali kuwamishiwa muli yenka nji nshila, emukuti ifyakumulu mfi fifwaya ichipupo chimbi ichachishapo pali mfi.

Efeso 3:19

Nkolomba ukuti mwishibe ukutemwa nkulya ukwaku Klistu ukutangeshibikwa ukufikapo ukwebati mwiulemo nobumi ubwaku Lesa umwine ukufikapo.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Efeso 5:25

Mwe balume, mulokutemwa abakashi benu nga mfilya Klistu atemenwe ichilonganino nokuyipela pamulandu wachiko,

1 Kolinto 5:7

Fumyenipo ichimena ichakale ichabubi ukuti mube umufuba uwabwangu. Elo mwakuba umufuba wabwangu kubati nimfilya muli. Pakuti Klistu, Umwana Wambelele wesu uwa Chakulya Chakuchilila, alipayilwe kale nga ipupo.

Loma 4:25

Yesu ngu bamwipeye pamulandu wafibi fyesu. Elo bamubushishe kubafwa ukuti Lesa atubone nga abalungami.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Loma 8:37

Muli mfi fyonse twaliba abachimfya pamulandu waku Klistu uwachitemweko chaku Lesa.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

2 Kolinto 2:14

Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 5:15

Bakeni imyendele yenu. Mwilokwendapo kubati bantu abatakwetepo umulangwe, kuntu nga bantu bamulangwe.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Hebele 8:3

Chipupila Mukulu uuli onse alasalwa ukuti alokutwala ifyabupe nefipupo fyanama kuli Lesa. Ekuti naye Chipupila Mukulu ngu alingile ukukwata chimo ichakupupila.