Efeso 4:1 - Chipangano Chabwangu

¹ Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 4:1 Referans Kwoze

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

1 Kolinto 4:16

Echo nkomupapatila ukuti mulokutenteka nebo.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Kolose 2:6

Mwenka umo mwasuminina ukuti Klistu Yesu Bashikulu wenu, mulokwikalilila muli Ye.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Yohane 1:5

Nomba nkokupapata we mwanakashi uwatemwekwa ukuti tulundeko bonse ukutemwana. Nshikokulembelapo ifunde ilyabwangu iyowo, kuntu lyenka ndilya twakwata ukufuma pakutatika.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Petulo 2:11

Mwe batemwekwa, pakuti muli abalwendo panonshi, nkomupapata talamukeniko kufyalunkumbwa ulwamubili ifyo ifilwa namwe.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

Filipi 3:14

Ndabutukila kuchipimo ichakuchimfyanya ichalubilo ndu ukwebati nkanonke ububoni ubo Lesa akotwitila kumulu muli Klistu Yesu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Efeso 3:1

Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.

Galatiya 4:12

Nkomupapata bawesu, beni nga nebo, pakuti nandibo nali kubati nimwe. Tamwandufyenyepo iyowo.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

Taitasi 2:10

nangula ukubebilako. Nomba bayibweneshe ukuti baliweme elo bachishinka. Mufintu fyonse bachinshike amasambisho aku Lesa, Umupulushi wesu.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

2 Kolinto 5:20

Nomba nifwebo intumi ishakubelako Klistu. Lesa akomupapata ukupitila muli fwebo. Echo tukomupapata mwishina lyaku Klistu ukuti muwikishanye na Lesa.

Imilimo ya batumwa 9:31

Kunshita njilya ifilonganino ifyabena Klistu mumiputulwa yonse iyamu Yudeya, Galili namu Samaliya mwali umutende. Ukupitila mufiso fya Mupashi Wabuta, ifilonganino fyalikosele nempendwa yabantu yalikukula. Bonse balikunakila Bashikulu.

Loma 11:29

Pakuti Lesa taulula malangulushi akwe ulo asala nokushukisha umuntu.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.