Efeso 3:7 - Chipangano Chabwangu

⁷ Kubwanshi bwaku Lesa alimpele umulimo wakubilisha Ubutumi Bwawama mbu. Ulo achitile mfi alilangile ifiso fyakwe.

Efeso 3:7 Referans Kwoze

Efeso 1:19

Elo mwishibe ifiso fyakwe ifikulu ifibomba muli fwebo fwe bachetekela. Mfi fiso nimfilya ifikulu ukwinekantu.

Efeso 3:20

Nomba umuchinshi ube kuli Lesa, Ye mufiso fyakwe ifibomba muli fwebo, ukuti achita ifyachilapo ukuchila napo tulombelapo nangula ukulangulukilapo.

Efeso 3:2

Mwalyumfwile ukuti Lesa alimpele umulimo wakubilisha kuli mwebo ifyabwanshi bwakwe.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Galatiya 2:8

Pakuti Lesa uwapyungile muli Petulo nokupela umulimo wakushimikila ku Bayuda, ewabombele namuli nebo ukuti mbe umutumwa kubenafyalo.

2 Kolinto 4:1

Lesa, mubwanshi bwakwe, alitupela umulimo ngu. Echo tatunenuka imitima.

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.