Efeso 3:2 - Chipangano Chabwangu

² Mwalyumfwile ukuti Lesa alimpele umulimo wakubilisha kuli mwebo ifyabwanshi bwakwe.

Efeso 3:2 Referans Kwoze

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.

2 Timoti 1:11

Lesa alinsontele ukuti mbe kabilisha, umutumwa, elo nakasambisha Wabutumi Bwawama.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Efeso 4:7

Nomba uuli onse muli fwebo apokelele ubupe ubwabwaka ukulingana nomo Klistu afwayile ukumupela.

1 Kolinto 4:1

Mwebo mulingile ukutubona nga bapyungi baku Klistu abasontwa ukwangalila ifyafisama fyaku Lesa.

Efeso 1:10

Icho Lesa afwayile ukuchita panshita ilingile kuleta pamo ifyakumulu nefyapanonshi, na Klistu nga umutwi.

Galatiya 1:13

Mwalyumfwile ifyamyendele yanji ulo nali mu Chiyuda. Nalikuchusha ichilonganino chaku Lesa ukwinekantu ukuti nchonaule.

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 13:46

Nangu chali mfi, Paulo na Banabasi babilikishe ukwambula umwenso nokuti, “Chali ichalinga ukuti amashiwi aku Lesa abilishiwe kuli mwebo pakutatika. Apo mwaliyakana nokuyibonesha ukuti tamulingile ubumi butapwa, twakumusha nokuya kubenafyalo.

Imilimo ya batumwa 13:2

Pakasuba kamo ulo balikulomba kuli Lesa nokuyikanya ukulya, Umupashi Wabuta walibebele ati, “Mpatwileniko Banabasi na Saulo pakuti balokupyunga umulimo uwo nabetile.”

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

1 Timoti 2:7

Echo antumine ukuba kabilisha nomutumwa. Nkosambisha abenafyalo ifyachichetekelo nechine. Nachine nkososa ifinenene, tanshikobepapo iyowo.

1 Timoti 1:4

Ubebe ukuti baleke ukukonka utufuto twakale utuleta bwaka ukutalikana nokusunga amashina ayamikowa aatashilapo. Mfi tafitwalapo kubufwayo bwaku Lesa ubukochitika ukupitila muchichetekelo.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

Kolose 1:4

Pakuba tulyumfwile ukuchetekela kwenu uko mukwete muli Klistu Yesu, nefyo mwatemwa abantu baku Lesa bonse.

Efeso 4:21

Nachine mwalyumfwile ifyakwe. Elo mwalisambilile nefyachine ifyamuli Klistu.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

Loma 11:13

Nkososa kuli mwebo nomba abenafyalo. Ifyo ndi mutumwa kuli mwebo nkosekelela nobutumwa bwanji mbu.

Efeso 3:7

Kubwanshi bwaku Lesa alimpele umulimo wakubilisha Ubutumi Bwawama mbu. Ulo achitile mfi alilangile ifiso fyakwe.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.