Efeso 2:12 - Chipangano Chabwangu

¹² Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Efeso 2:12 Referans Kwoze

Galatiya 4:8

Kale tamwaishibilepo Lesa iyowo. Echo mwalifye abasha batungosa wakubasa ututapo tulesa twinenene.

Kolose 1:21

Namwebo kale mwali bwaka ukutali na Lesa, elo mwali utupondo twakwe pafintu fyabipa ifyo mwalikulanguluka nokuchita.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Tesalonika 4:13

Mwe bawesu, tukofwaya ukumwebako pali mbalya abafwa ukuti mwilokusakamanapo ukubati nimulya abashikwete ukulolela mukubuka.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.

1 Tesalonika 4:5

Teyalunkumbwapo kubati benafyalo abashamwishibapo Lesa.

Yohane 15:5

“Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Hebele 6:18

Elo pali ifintu fibili ifitangapilibukapo: ichilapo nakambi ifyo Lesa tekuti abepepo iyowo. Echo Lesa afwayile ukuti akoseleshe fwebo, fwe babutukile kuli Ye ukuti tushipikishe ukulolela uko atupele.

Loma 9:8

Ekwebati te bonse abana bakwa Abulahamu ababa bana baku Lesa. Abana bakwe abenenene nimbalya abafyalwa ukulingana nechilayo chaku Lesa.

1 Petulo 3:15

Nomba mumitima yenu muchinshike Klistu pakuti ni Shikulu wenu. Mube abayipekanya inshita yonse ukwasuka mubufuke namumuchinshi abantu abamufumba ukulindilila kwenu.

Imilimo ya batumwa 28:20

Echo mwitile ukuti ndikakilwe mfi muminyololo pamulandu waku ngulya abena Isilaeli bonse bakolindila.”

Imilimo ya batumwa 3:25

Pakuti ifilayo fyonse Lesa asosele ukupitila mubasoseshi fyakumwebo. Echo mwebo muli abachipangano nchi icho Lesa apangile nefikolwe fyenu ukubati nimfilya Lesa asosele kuli Abulahamu ati, ‘Ukupitila mumukowa obe nakushukisha abantu bonse abapanonshi.’

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

Hebele 11:34

Balishimishe ubukali bwachimbili-mbili chamulilo, balipulukile kumwele. Bali abanaka, kuntu balipokelele ifiso. Balikwete ifiso munkondo. Elo abashilikali abafumine kufyalo fimbi balibatamfishe.

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 4:22

Mwebo mulomba uyo muteshibilepo, kuntu fwebo tulomba uyo twishibile pakuti chipulusho chifuma ku Bayuda.

Luka 1:72

Aebele ukubachitila inkumbu banshifwe, nokwibukisha ichipangano chakwe ichabuta.

Imilimo ya batumwa 2:39

Pakuba nimwe Lesa alayile pamo nabana benu, nabantu bonse ababa ukutali naabo Lesa akwita.

Efeso 2:19

Echo mwe benafyalo tamulipo abalwendo abakolebela bwaka, kuntu muli bakaya pamo nabantu baku Lesa. Elo muli balupwa lwaku Lesa.

Hebele 8:6

Pakuti Yesu nomba alipokelela buchipupila ubukulu ukuchila buchipupila bwakale, kubati nimfilya ichipangano icho apangile pakati kaku Lesa nabantu, ifyo chiweme ukuchila ichakale pakuti ifyo alayile fiweme ukuchilapo.