Efeso 1:3 - Chipangano Chabwangu

³ Katutondayishe Lesa Wishi waku Bashikulu Yesu Klistu. Muli Klistu ngu alitushukisha namashuko onse ayakumupashi ayo Klistu atuletele ukufuma kumulu.

Efeso 1:3 Referans Kwoze

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

2 Kolinto 1:3

Tutondayishe Lesa Wishi waku Bashikulu wesu Yesu Klistu. Ebata bankumbu abatutalalika imitima.

Efeso 2:6

Pakusangwa muli Klistu Yesu, Lesa alitubushishe kubafwa pamo nakwe. Elo alitupele ichifulo chamuchinshi kumulu pamo nakwe.

Efeso 1:20

Ifyo Lesa abomfeshe pakubusha Klistu ukufuma kubafwa nokumuteka kumulyo kwakwe kumulu.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Efeso 3:10

Elo Lesa akubomfya ichilonganino mukubwenesha ifiso nensambu shakwe kufyakumulu ukwebati fishibe ati, ali nomulangwe uupusene-pusene.

Galatiya 3:9

Abulahamu alichetekele, elo Lesa amushukishe. Echo bonse abamuchetekela akubashukisha ukubati nimfilya achitile kuli ye.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

2 Kolinto 11:31

Lesa, Wishi waku Bashikulu wesu Yesu, uwo tulingile ukutondayisha inshita shonse, alishibile ukwebati nshikobepapo.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

1 Kolinto 12:12

Klistu aba kubati mubili umo uwaba nefilewa ifinji. Nangu ifilewa fibe ifinji, kuntu umubili waba umo enka epela.

Loma 12:5

Munshila imo yenka, nafwebo fwe bachetekela, nangu tuli abenji, twaba umubili umo muli Klistu. Echo twalikumbinkana pamo ngefilewa ifyamubili umo.

Efeso 1:10

Icho Lesa afwayile ukuchita panshita ilingile kuleta pamo ifyakumulu nefyapanonshi, na Klistu nga umutwi.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Loma 15:6

Echo nomutima umo, muchinshike Lesa uuli ni Wishi wa Bashikulu wesu Yesu Klistu.

Hebele 8:5

Imilimo njilya bachita yabuchipupila, iili kubati chinshingwa nangu ichipasha ichafyakumulu. Chili bwaka kubati nimfilya chali kuli Mosesi. Ulo alikufwaya ukwimaka itenti lyachikundulu, Lesa asosele kuli ye ati, “Wimake fyonse ukulingana nechipasho nakulangile palupili ndulya.”

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Hebele 9:23

Pakuti ifipasho ifyakumulu fyali kuwamishiwa muli yenka nji nshila, emukuti ifyakumulu mfi fifwaya ichipupo chimbi ichachishapo pali mfi.

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Yohane 14:20

Ulo nkalya kasuba kakwisa, mwakwisa kwishiba ukuti ndi muli Bata namwebo muli nebo ukubati nimfilya nandibo naba muli mwe.

Luka 2:28

Simyoni alipokele umwana mumaboko akwe nokutotela Lesa ati,