Efeso 1:13 - Chipangano Chabwangu

¹³ Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 1:13 Referans Kwoze

2 Kolinto 1:22

akakatikapo ichishibilo chakwe, nokubika Mupashi Wabuta mumitima yesu ngechishininkisho chamfilya ifikoyisa.

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

Loma 4:11

Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

Taitasi 2:11

Elo Lesa alanga ubwanshi bwakwe pakufwaya ukupulusha abantu bonse.

Galatiya 3:14

Klistu achitile mfi ukwebati amashuko onse Lesa alayile Abulahamu, apelwe kubenafyalo ukupitila muli Klistu Yesu. Elo mukuchetekela tupokelele Umupashi Wabuta uwo Lesa alayile.

Loma 1:16

Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Luka 24:49

Nebo nakumutumina icho Bata bamulaya. Nomba mulingile ukulindilila mumusumba muno ukufikila ulo ifiso fyakwisa pali mwe ukufuma kumulu.”

1 Petulo 2:10

Akale tamwalipo abantu baku Lesa, kuntu nomba muli bantu bakwe. Akale tamwapokelelepo ubwanshi, kuntu nomba mwalibupokelela.

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

Imilimo ya batumwa 1:4

Ulo Yesu ali nabo pamo, alibakonkobeshe ati, “Mwifumamo mu Yelusalemu iyowo, kuntu mulindile ichabupe icho Bata bamulayile ukubati nimfilya namwebele kale.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Imilimo ya batumwa 13:26

“Mwe bawesu, mwe balupwa lwakwa Abulahamu namwe bonse abalomba kuli Lesa, nikuli fwe ndi shiwi lyakupulushiwa lyatuminwe!

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Luka 11:13

Nomba nga mwebo mwe babi mfi mwalishiba ukopela abana benu ifiweme, mba Bawishinwe aba mumulu kuti bafilwa shani kupela Umupashi Wabuta kuli bo abakomulomba!”

Ukufisulula 7:2

Elo nabwenepo umungelo naumbi uwafumine kumutule-suba, ali nechishibilo chaku Lesa uwabumi. Abilikishe neshiwi ilikulu kubangelo bane mbalya abo apele ifiso fyakonaula ichalo namenshi amuli bemba.

Yemusi 1:18

Pamulandu uwakutemwa kwakwe umwine, alitupela ubumi ukupitila mumashiwi akwe ayachine ukwebati pali fyonse ifyo alengele, fwebo tube kubati abakwamba.

Hebele 2:3

Nomba fwe twakupuluka shani nga tukosuula amashiwi aakulu mfi ayakutupulusha? Bashikulu abene ebatatikile ukusosa pafya kupuluka nku. Elo bo abaumfwileko amashiwi nga, balishininkisha ukuti yachine.

2 Timoti 3:15

nakambi ukufuma ulo wali ulucheche walishiba Amalembo Aabuta, ayo angakupela umulangwe wakupulushiwa ukupitila mukuchetekela Klistu Yesu.

2 Timoti 2:15

Esha ukuba uwayipelesha kuli Lesa nga umupyungi uwambula akalema, uulondolola amashiwi anenene aku Lesa mukwebesha.

Efeso 4:21

Nachine mwalyumfwile ifyakwe. Elo mwalisambilile nefyachine ifyamuli Klistu.

2 Kolinto 6:7

Mukusosa amashiwi aakwebesha, elo mufiso fyaku Lesa. Mukulwa kwesu tulachita ifilungeme.

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Yemusi 1:21

Kanshi lekeni inshila shonse ishabusali nobubi ubwayisula muli mwebo. Pokeleleni mukuyichefya Amashiwi aku Lesa ayabyalilwe mumitima yenu ayo angamupulusha.