2 Timoti 1:1 - Chipangano Chabwangu

¹ Nine Paulo umutumwa waku Klistu Yesu mukufwaya kwaku Lesa. Alintumine ukuti mbilishe ubumi mbulya Lesa alayile ubo twakwata muli Klistu Yesu.

2 Timoti 1:1 Referans Kwoze

Hebele 9:15

Pamulandu wamfi Klistu ekapekanya wachipangano chabwangu ukuti abo Lesa ayita bapokelele ishuko ilitashilapo ilyo Lesa alayile. Fyali mfi pamulandu wamfwa yaku Klistu, iipulusha abantu kumabifyo ayo balikuchita ulo bali muchipangano ichakale.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

2 Kolinto 1:1

Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

1 Yohane 2:25

Nchi echo Klistu umwine alayile ukutupa, ubumi bwamuyayaya.

1 Timoti 6:19

Muli nji nshila emo bakuyimakila umufula ukosele pakuyipekanishisha ifikoyisa ukuti bakapokelele ubumi ubwinenene.

2 Kolinto 1:20

Elo ifintu fyonse Lesa alayile fyachitikile na “Ina” enka ngu. Echo muli Yesu Klistu tusosa ati, “Ameni,” mukuchinshika Lesa.

1 Kolinto 1:1

Nine Paulo, uwayitilwe ukulingana nokufwaya kwaku Lesa ukuti mbe umutumwa waku Klistu Yesu, pamo nawesu Sositenesi.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 1:1

Nine Paulo, umupyungi waku Klistu Yesu. Lesa alinjitile ukuti mbe umutumwa. Alinsalile ukwebati mbilishe Ubutumi bwakwe Bwawama.

Yohane 6:54

Umuntu onse uwakulya umubili wanji nokunwa umulopa wanji akuba nobumi butashila, elo nakwisa kumubusha pakasuba kakumupwilo.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 1:10

Nomba Lesa alitufisulwila mfi mukwisa kwa Mupulushi wesu Klistu Yesu, engu uwachimfishe ifiso fyamfwa nokulanga ubumi butashilapo ukupitila mu Butumi Bwawama.

2 Timoti 1:13

Ubakishe onse amashiwi ayanenene ayo waumfwile kuli nebo ukuti abe ichakubwenako chobe. Uchite mfi muchichetekelo nechitemweko icho ukwete muli Klistu Yesu.

2 Timoti 2:1

Nomba webo mwana wanji, shipa mubwanshi ubo twakwata muli Klistu Yesu.

2 Timoti 2:3

Umfwe ukufinya nabo nga mushilikali uuweme uwaku Klistu Yesu.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

2 Timoti 3:15

nakambi ukufuma ulo wali ulucheche walishiba Amalembo Aabuta, ayo angakupela umulangwe wakupulushiwa ukupitila mukuchetekela Klistu Yesu.

Taitasi 1:4

Kalata nji nkolembela webo Taitasi mwana wanji pamulandu wachichetekelo icho fwebo babili tuli nacho. Lesa Bata pamo na Klistu Yesu Umupulushi wesu bakupele ubwanshi nomutende.