2 Petulo 3:2 - Chipangano Chabwangu

² Langulukeni amashiwi awo abasoseshi ababuta basosele kale, nefunde lyaku Bashikulu Umupulushi wesu mwapelwe kubatumwa.

2 Petulo 3:2 Referans Kwoze

Yuda 1:17

Nomba mwebo, mwe batemwekwa, ibukisheni amashiwi awo abatumwa baku Bashikulu wesu Yesu Klistu bamwebele kale

2 Petulo 2:21

Nga chaliweme kuli bo nga chakuti tabayishibilepo inshila yalungama ukuchila ukwishiba elo panuma basuula ifunde lyabuta Lesa abapele.

Luka 1:70

Ukubati nimulya asosele kale, ukupitila mubasoseshi bakwe ababuta.

Luka 24:44

Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.

Efeso 2:20

Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

Imilimo ya batumwa 28:23

Nomba balyumfwene akasuba kalingile ukwisa kulonganinapo na Paulo. Nomba pali nkalya kasuba, kwayishile ibumba lyabantu ilikulu ukwinekantu ilya Bayuda ukwali Paulo. Ukufuma luchelo-chelo ukufikila ubushiku, Paulo alikubalondolwela pafyabufumu bwaku Lesa. Ayeseshe ukwinekantu ukubalondolwela ukuti bamusumine Yesu ukupitila mukubalangilila umo bamulembele mu Mafunde akwa Mosesi nakambi namu malembo abasoseshi.

Imilimo ya batumwa 10:43

Nabasoseshi bonse balikusosa ifyaku Yesu ukuti umuntu onse uchetekela muli Ye akunakililwa amabifyo akwe ukupitila mufiso fyeshina lyakwe.”

Imilimo ya batumwa 3:21

Yesu ngu akwikala mumulu ukufikila ulo Lesa akupanga ifintu fyonse ukuba ifyabwangu ukubati nimulya asosele kale ukupitila mubasoseshi bakwe ababuta.

Imilimo ya batumwa 3:18

Ukuba enshila nji iyo Lesa apekenye ukufikilisha ifyo asosele ukupitila mubasoseshi bonse ukuti Klistu wakwe alinokuchula.

Luka 24:27

Echo Yesu abalondolwelele nefyakwe ifyasoselwe mu Malembo Apatulika, ukutatikila mumabuku alembele Mosesi nokufikila naku Malembo onse aabasoseshi.

1 Yohane 4:6

Lelo fwebo tuli baku Lesa. Onse uwayishiba Lesa alatumfwila. Abashishibe Lesa, tabatumfwilapo iyowo. Munshila nji emo Mupashi wachine nowabufi tuwishibilamo.

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

Efeso 3:5

Ubumfisolo mbu tabwayishibilwepo nabakale kubati ifyo Lesa afisulula nomba mu Mupashi Wabuta kubatumwa nabasoseshi bakwe ababuta.

1 Timoti 6:14

Nkokweba ati ukwambula akalema nangula ukutwishika, ulokulama bwino fyonse ifyo wasambilile ukufikila ulo Bashikulu Yesu Klistu bakubwela.

2 Petulo 3:16

Alasosa fyenka mfi mumakalata onse ambi. Mumakalata ngalya mwaba fimo ifikanga ukumfwa, ifyo abatasambilila nabatatekanya mumutima bapoteka nga mfilya bachita Amalembo ambi. Pakuchita mfi balayonaula benka.