2 Petulo 2:3 - Chipangano Chabwangu

³ Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

2 Petulo 2:3 Referans Kwoze

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

1 Tesalonika 2:5

Ukubati nimfiya mwayishiba, tatwayishile kuli mwe namashiwi akumunasha nangu ayakwichingilila kubunkalwe bwesu iyowo. Lesa ekamboni wesu.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

2 Petulo 2:1

Nomba pali abasoseshi ababufi pakati kabena Isilaeli. Echo napali mwebo pakuboneka bakasambisha ababufi. Bakwinjisha mubumfinsolo ifyakusambisha ifyabufi ifyonaula, bakukana na Bashikulu kumo bo ababapulwishe. Echo bakwiletela ubonaushi.

2 Petulo 1:16

Fwebo tatwakonkelepo utushimi utwakupanga ulo twamwishibishe ifyafiso nokubwela kwaku Bashikulu wesu, Yesu Klistu. Twalibwenene fwebene namenso esu ubukulu bwakwe.

1 Petulo 5:2

Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

Yuda 1:11

Mba bantu bamalosa! Bakoenda munshila yakwa Kaini. Elo bayiposa mukuluba pamulandu wandalama shakufusha, nga mfilya fyachitile Balaamu. Bali nokonaulwa pamulandu wakwalukila Lesa fyenka kubati nimfilya achitile Kola.

Yuda 1:7

Ibukisheni nakambi abamumisumba ya Sodomu na Gomola nemishi yabena mupalamano. Abantu bamumishi njilya, balikuchita ifibipile nefitangasoswa. Lesa alibachitile ukuba ichakubwenako ulo abaposele mumulilo uutashima.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

1 Petulo 2:8

Amalembo asosa nakambi ati, “Elyayishile kuba libwe lyakuyitutulako, ilyakuwisha abantu.” Balayitutulako pantu tabomfwila Amashiwi aku Lesa nga mfilya Lesa umwine apingwile kabela.

1 Timoti 3:8

Abakwafwa muchilonganino nabo babe abamuchinshi, bekwatapo indimi shibili, bechishapo ukunwa ifyakukola nangula ukufwaya ukukwata ububoni mubuchenjeshi.

1 Timoti 3:3

Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

1 Tesalonika 5:3

Ulo abantu bakasosa ati, “Ifintu fyonse fili tondolo,” eli mukwangufyanya ubonaushi bwakwisa pali bo. Bwakwisa kubati kufinya kwamwanakashi pakupusuka, nabantu tabakabutukepo.

Yohane 2:16

Elo asosele kuli bo abalikushitisha inkunda ati, “Fifumisheni panse! Lekeni ukwalula Inanda yaku Bata ichifulo chamakwebo!”

Luka 22:47

Yesu ulo alimukusosa, ibumba lyabantu lyalishile. Lyatanjililwe na Yuda, umo uwabakusambila ikumi na babili. Ayishile kuli Yesu nokumufyomfyonta.

Luka 20:20

Bafwayile inshita iilingile ukumwikatilapo. Elo bapele abantu bambi amafisakanwa ukuti baboneke ati bantu benenene. Batuminwe ukuya kumwesha Yesu namafumbo abo pakuti bakamubepeshe kuli kateka waba Loma uyo uwali nefiso ifyakupingula.

Luka 18:8

Nkomweba nati takabapelepo umulandu, elo akuchita nchi ichakubawamina bwangu-bwangu munshila iiweme. Nomba nga ayisa Umwana wa Muntu, napo akwisa kusanga abachetekela pano chalo?”

Yuda 1:16

Abantu mba lonse balayilishanya nokubepesha bambi. Bakonka bwaka mufyabipa ifyo bakofwaya benka. Balasosa ifyakuyisalula benka. Elo balapoka ububoni mubuchenjeshi.

Mateyo 23:14

Ishamo kuli mwebo mwe basambishi ba Mafunde na Bafalisi, mwe bakutupayika! Mulalila bamukamfwilwa amasuku pamitwi pabuboni bwabo nokuchenjeleka abantu pakulomba kwenu ukutali! Echo Lesa akumupelelapo umulandu ukulu.]