2 Petulo 2:1 - Chipangano Chabwangu

¹ Nomba pali abasoseshi ababufi pakati kabena Isilaeli. Echo napali mwebo pakuboneka bakasambisha ababufi. Bakwinjisha mubumfinsolo ifyakusambisha ifyabufi ifyonaula, bakukana na Bashikulu kumo bo ababapulwishe. Echo bakwiletela ubonaushi.

2 Petulo 2:1 Referans Kwoze

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

2 Timoti 4:3

Pakuti inshita yakwisa ulo abantu bakukana ichisambisho chachine, kuntu bakukonka ifyamikalile yabo, nokuyifwayila abasambishi abakubeba ifyo bakabila ukumfwa.

Mateyo 24:11

Kwakuboneka abasoseshi ababufi abenji, abakupulula abantu abenji.

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

1 Kolinto 11:19

Nachine kulingile ukuba ukupatukana pakuti abalungama beshibikwe.)

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

Taitasi 3:10

Umuntu uwafikansa, muchenjesheni imiku ibili. Kati takokumfwilapo, mutalukeni.

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

Filipi 3:19

Kumupwilo bakonaulwa, pakuti lesa wabo fintu ifiwamya umubili. Bakoyitutumwina pafyo balingile ukuba nensoni. Amalangulushi abo aba pafintu ifyapanonshi epela.

1 Kolinto 6:20

Lesa alimushitile pamutengo uukulu. Echo muchinshike Lesa nemibili yenu.

Maliko 13:22

Pantu ba Klistu nabasoseshi ababufi bakwima, balikuchita ifyafiso ifikulu nefyakushimbwisha, ichakweba ati babepayike nabasalwa kumo nga chingachitika.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Mateyo 10:33

Nomba onse uwakunkana pamenso abantu, nandibo nakwisa kumukana pamenso aku Bata bakumulu.

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 2:13

Ye akoti, Nalishiba uko wayikala. Wayikala nkulya ukwaba ichipuna chakwa Satana. Webo waliba uwachetekela kuli nebo, nakambi tawaposapo ichichetekelo icho ukwete muli nebo nangu mpanshita yakwa Antipasi, kamboni wanji uwachishinka. Ngu bamwipayile nkulya ukwikala Satana.

Yuda 1:18

ati, “Kunshita yakumupwilo kwakuba abantu abali kusalula Lesa nabantu bakwe, balikukonkela bwaka mulunkumbwa lwabo ulubi.”

1 Yohane 2:26

Nkomulembela mfi pamulandu waku bo abakofwaya ukumulufya.

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Galatiya 5:20

ukulomba tungosa wakubasa nobuloshi, ukupatana, umufimbila, ichipyu, ukuyitemwa, ukupatukana,

Galatiya 4:17

Abantu mbalya bakoyilanga ukuchinchila pali mwebo ukwebati mubakonke, kuntu imibele yabo tayiwemepo. Icho bafwaya chakwebati bamutalushe kuli nebo ukuti mwingakwata ukuchinchila pakubafwa.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Luka 21:8

Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.

Luka 6:26

“Yangwee kuli mwebo mwe bantu bakososela ifiweme pakuti efyo banshinwe basosele nakubasoseshi ababufi.

Mateyo 24:5

Pakuba abenji bakwishila mwishina lyanji nokusosa ati, ‘Nine Klistu,’ nokubepa bakubepa abantu abenji.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

1 Kolinto 7:23

Lesa alimushitile pamutengo uukulu. Echo mwiba abasha babantu.

Ukufisulula 3:8

Ye akoti, Nalishiba imilimo yobe. Nayisula ichiibi pamenso obe icho umuntu nangu umo tangesalapo iyowo. Nalishiba ukuti taukwetepo ifiso ifikulu. Nangu chili mfi, walikulama amashiwi anji, elo tawankanapo iyowo.

Luka 12:9

Nomba onse uwakunkana pamenso abantu, Umwana wa Muntu naye akwisa kumukana pamenso abangelo baku Lesa.

1 Timoti 5:8

Nomba umuntu nga takosakamanapo abamukowa wakwe, ukuchilapo abamulupwa lwakwe umwine, ngu muntu aliposa ichichetekelo chakwe nakambi mubi ukuchilapo noutachetekela.

Ukufisulula 6:10

Babilikishe neshiwi ilikulu bati, “Bashikulu abachine, mwakubalekelela ukushinta lwisa ukubapingula nokubakanda abantu abekala panonshi abo abatwipeye?”