2 Petulo 1:9 - Chipangano Chabwangu

⁹ Nomba uutakwetepo mfi nimpofu, tekuti abonepo apatali. Alilabile ukuti balimunakilila kumabifyo akwe aakale.

2 Petulo 1:9 Referans Kwoze

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

Loma 6:11

Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Maliko 10:21

Yesu alimulolekeshe nokutemwa nokuti, “Ichikofwayikwa chimo. Koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu, elo wise unkonke.”

Ukufisulula 3:17

Webo ulasosa ukuti uli nobuboni ubwinji, taukabilapo nakantu iyowo, kuntu tawayishiba ukuti uli umuchushi, uwabwamba nakambi uli mpofu.