2 Petulo 1:7 - Chipangano Chabwangu

⁷ Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

2 Petulo 1:7 Referans Kwoze

Hebele 13:1

Twalilileni ukutemwana nga abanankashi.

Loma 12:10

Mutemwane ukwinekantu mubuwenu. Mupelane umuchinshi.

1 Tesalonika 3:12

Bashikulu balundeko ukutemwana kwenu nokutemwa uko mukwete kubantu bonse ukubati ninku tukwete pali mwebo.

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

1 Yohane 4:21

Ifunde ilyo Klistu atupela nindi: onse uwatemwa Lesa atemwe nawakwe.

1 Yohane 3:16

Mfi efyo twayishibila ukutemwa ifyo kwaba: Klistu apele ubumi bwakwe kuli fwebo. Nafwebo tufwile ukupa ubumi kuli bawesu.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

1 Petulo 2:17

Chinshikeni abantu bonse. Temwaneni abachetekela banenu. Mube abantu batina Lesa. Chinshikeni nakateka mukulu.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Tesalonika 5:15

Boneni ukuti tapapo nangu umo ukobwekesha ububi pabubi. Lonse mulokufwaya ukuchita ifiweme kubanenu, elo nakubantu bonse.