2 Petulo 1:6 - Chipangano Chabwangu

⁶ Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.

2 Petulo 1:6 Referans Kwoze

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Luka 21:19

Mube abakosele, elo mwakwipulusha mwebene.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

1 Kolinto 9:25

Uuli onse uuchimfyana mulubilo alayikanya kuli fyonse. Ye alachita mfi ukuti apoke ingala iyonayika, nomba fwe tulachita ukuti tukapokelele ingala iitashila.

Taitasi 2:2

Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

Galatiya 5:23

ubufuke nokuyilama. Tapapo ifunde ilyakukanya pali mfi fyonse.

Ukufisulula 14:12

Echo abantu baku Lesa balingile ukushipikisha, bo abalama amafunde yaku Lesa nechichetekelo icho bakwete muli Yesu.

Ukufisulula 2:2

Ye akoti, Imilimo yobe yonse nalishiba. Nalishiba nokupyunga kobe konse nokushipikisha. Nakambi nalishiba ukuti taukutikapo kubantu ababi iyowo. Mbalya abayitunganya ukuba abatumwa, walibesha nokubasanga ababufi.

Taitasi 1:8

Nomba abe uupokelela bwino abalwendo, uwatemwa ifiweme, uwayibaka, uuchita ifyalungama, uwabuta, nakambi uwatekanya.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

Loma 8:25

Elo nga tukolindila icho tatulabonapo tulingile ukulindila nomutima-tenka.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Loma 15:4

Fyonse ifyalembwa mu Malembo fyalembelwe ukutusambisha fwebo. Nga Amalembo akotusambisha ukuteka umutima ukwebati tube ukulolela nokukoseleshiwa ukwakufikapo.

Ukufisulula 13:10

Onse uulingile ukupintwa mubwankole, nachine mubwankole bakumupinta. Na onse uulingile ukwipayiwa kumwele, nachine kumwele bakumwipaya. Echo abantu bakwe balingile ukushipikisha nokwikalilila muchichetekelo.”

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

2 Petulo 3:11

Nomba pakusanga ukuti ifintu fyakuba mfi, mulingile ukuba abantu bamusango shani? Mulingile ukwikala ababuta mukulomba kwenu.

Hebele 6:15

Elo Abulahamu alilindile mukutekanya. Echo alipokelele ifyo Lesa amulayile.

Hebele 6:12

Tatukofwayapo ukuti mube abanang’ani iyowo, kuntu mube kubati nimbalya abakupokelela ifyo Lesa alayile ukupitila mukuchetekela nokuteka imitima yabo.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

2 Timoti 3:5

Bakulama tufuto twakulomba, kuntu bakukana ifiso fyatuko. Abantu bamfi, ulokubatalamuka.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

1 Timoti 6:6

Nachine ukulomba Lesa ebusambashi ubukulu, ichikulu umuntu akopima ifyo akwete ukuti filimulingile epela.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

1 Timoti 2:10

Nomba bayipele mukupyunga imilimo iiweme pantu mfi efyalinga ukuchita abanakashi abayitunga ukulomba Lesa.

1 Timoti 2:2

Lombeleniko imfumu nabonse abali mubutungulushi ukuti bende mumutende, mubuleme namukuchinshika.

2 Tesalonika 3:5

Bashikulu batungulule imitima yenu ukuti mwishibe ukutemwa nokufuka umutima kuli Klistu.

2 Tesalonika 1:4

Emulandu wine tulayipakisha muli mwebo mufilonganino fyaku Lesa. Tulachita mfi pamulandu wakushipikisha mukuchetekela kwenu namumachushi aakulu onse mukosanga.