2 Petulo 1:2 - Chipangano Chabwangu

² Lesa amukwatile ubwanshi nokumupela umutende ukufikapo mukumwishibisha ifyaku Ye na Yesu Shikulu wesu.

2 Petulo 1:2 Referans Kwoze

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

Yuda 1:2

Nkolomba ukwebati Lesa amukwatile ichisa, umutende nokutemwa apakulu.

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Ukufisulula 1:4

Nine Yohane nkolembela ifilonganino fisano na fibili ifyamuchalo cha Asiya. Ubwanshi nomutende ukufuma kuli Lesa, uyo uulipo, uwalipo nakambi uwakubako. Imipashi isano na ibili iyaikala pantanshi yachipuna chakwe ichamuchinshi, imushukishe nokumupela umutende.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.

2 Petulo 1:8

Nga mfi fyayikala muli mwebo ukuchishapo, tamwabepo abakangiwa nangu abatakwetepo akantu pamanu aakwishibilapo Bashikulu wesu Yesu Klistu.

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

2 Petulo 1:5

Nomba mweshe ukwinekantu ukulundako ubwikalo ubuweme kuchichetekelo chenu, nomulangwe kumano enu ayo.