1 Timoti 6:2 - Chipangano Chabwangu

² Abasha abatekwa kubena Klistu, belokubachushapo iyowo pantu niba wabo. Elo bapyunge ukuchilapo kale pakuti bo abakumwenamo nimbalya abachetekela, abatemwekwa kuli bo. Mfi efyo ulingile ukusambisha nokubilisha.

1 Timoti 6:2 Referans Kwoze

Kolose 4:1

Mwe bashikulubo, mulele abasha benu mubune, mubulungami namunshila iiweme pantu mwalishiba ukuti namwebo mwalikwata Bashikulu wenu mumulu.

1 Timoti 4:11

Ubakonkobeshe nokubasambisha amashiwi nga.

Yuda 1:8

Elo abantu banomba balachita fyenka mfilya. Mukukonka ifibonwa fyabo, balonaula imibili yabo, balakana insambu shaku Bashikulu nokulokutuka abaleme baku Lesa.

2 Petulo 2:10

Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Taitasi 2:15

Mfi efyo ulokusambisha. Ulokubachinchisha abantu nokubakonkobesha nefiso fyonse. Kwibapo umuntu nangu umo ukuti akuloleshe pamutwi.

Taitasi 2:1

Nomba webo, ulokusambisha ifyalinga nechisambisho ichachine.

1 Timoti 5:1

Wilokukalipilapo umuntu umukulu, kuntu ulabile nakwe kubati nibawiso. Abalumbwana nabo ulokubachita kubati nibawenu.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

Kolose 1:4

Pakuba tulyumfwile ukuchetekela kwenu uko mukwete muli Klistu Yesu, nefyo mwatemwa abantu baku Lesa bonse.

Kolose 1:2

Namulembela mwe bantu baku Lesa bayikala mu Kolose, mwe bawesu abachetekela muli Klistu. Lesa Bata amukwatile ubwanshi nokumupela umutende.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Efeso 1:15

Pali ngu mulandu, ulo naumfwile ifyakuchetekela kwenu muli Bashikulu Yesu nokutemwa uko mwakwata kubachetekela banenu,

Efeso 1:1

Nine Paulo umutumwa waku Klistu Yesu uwasalwa kukufwaya kwaku Lesa. Nkolemba kalata nji kubantu abaku Lesa abali ku Efeso abachetekela muli Klistu Yesu.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Loma 11:17

Imisambo imbi yachiti chamaolife yakontokele, elo Lesa alikambatikilepo iyamumpanga muchifulo yachiko. Mwe benafyalo muli kubati misambo iyamumpanga njilya, kuntu nomba mukopokelela ifiso ififuma muchiti chamaolife ichabyalwa, ekwebati ukufuma kubena Isilaeli.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Mateyo 23:8

Nomba mwe tamulingilepo ukwitwa ‘Abasambishi’ iyowo, pantu mulikwete umusambishi umo mpo, namwe bonse muli banankashi.

Mateyo 6:24

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,