1 Timoti 5:1 - Chipangano Chabwangu

¹ Wilokukalipilapo umuntu umukulu, kuntu ulabile nakwe kubati nibawiso. Abalumbwana nabo ulokubachita kubati nibawenu.

1 Timoti 5:1 Referans Kwoze

Taitasi 2:2

Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

Galatiya 6:1

Mwe bawesu, nga umo wakumwebo awila muchibi ichili chonse, mwe bakotungululwa no Mupashi Wabuta mulingile ukumubwesha. Muchite mfi nomutima wabufuke. Elo muchenjele ukwebati namwebo mwiwilamo mukweshekwa.

Taitasi 2:6

Munshila imo yenka, mwebe abalumbwana ukuba abayilama.

Mateyo 23:8

Nomba mwe tamulingilepo ukwitwa ‘Abasambishi’ iyowo, pantu mulikwete umusambishi umo mpo, namwe bonse muli banankashi.

1 Timoti 5:17

Abakulu bachilonganino abatangilila bwino ifilonganino fyabo, balingile ukuchinshikwa ukwinekantu. Muchishepo pali bo ababilisha nokusambisha amashiwi aku Lesa.

Loma 13:7

Echo lipileni kuli bonse fyabo fyonse, mupele umusonko kuli bakasonkesha, ifyakulipila uko mulingile ukulipila. Mutine abo mulingile ukutina, elo peleni umuchinshi kubalingile ukupelwa umuchinshi.

Imilimo ya batumwa 15:4

Ulo bafikile ku Yelusalemu abachilonganino, abatumwa nabakulu bonse balisekelele. Nabo balikubashimikila ifintu fyonse ifyo Lesa achitile ukupitila muli bo.

Imilimo ya batumwa 14:23

Basalile abalalume ukuti balokutungulula umo-umo mufilonganino. Ulo balombele nokuyikanya ukulya, babapele kuli Bashikulu Yesu abo bonse abachetekele.

Ukufisulula 4:4

Ukushinguluka umupando ngu uwabufumu, pali mipando nayimbi iyabufumu amakumi abili na ine. Elo pamipando njilya palikele bachilolo amakumi abili nabane abafwite ifyakufwala ifitubile. Kumitwi yabo balifwite ingala shagolide.

3 Yohane 1:1

Nine nemukote, nkolembela Gayusi uyo natemwesha chine-chine.

2 Yohane 1:1

Nine nemukote, nkolembela umwanakashi uwasalwa na Lesa pamo nabana bakwe abo natemwesha. Tenepo nenka iyowo, kuntu nabonse abayishiba ichine balimutemwa.

Yemusi 5:14

Napo umbi pali mwebo akolwala? Eteko abakulu bachilonganino abakwisa kumulombela nokumusuba amafuta mwishina lyaku Bashikulu.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

Imilimo ya batumwa 20:17

Ulo ali ku Miletasi, Paulo alilayishe amashiwi ku Efeso ukuti abakulu bachilonganino bamukumanye ku Miletasi.

Imilimo ya batumwa 15:6

Elo abatumwa nabachilolo balongene pamo ukuti basoshanye pamulandu ngu.

1 Timoti 5:2

Abanakashi abakulu ulokubachita kubati nibanoko, elo abanansungu kubati nibankashi shobe nomutima wabuta.